چہرے کی جلد کی قدری چمک بحال رکھنے کے لیے اس کی صفائی نہایت ضروری ہے اور اس مقصد کے لیے فیس وائپس کی اہمیت سے انکار نہیں کیا جاسکتا۔

فیس وائپس دن بھر چہرے پر جمنے والی دھول اور میک اپ کو صاف کرنے میں اپنی مثال نہیں رکھتے، یہی وجہ ہے کہ خواتین کی بڑی تعداد انہیں چہرے کی صفائی کے لیے استعمال کرتی ہیں تاہم بازار میں دستیاب وائپس میں اکثر ایسے اجزء شامل ہوتے ہیں جو حساس جلد کے لیے نقصان کا باعث بنتے ہیں۔ ایسی صورت میں آپ کو ایک ایسے وائپس کی ضرورت ہے جس کے اجزاء آپ کی جلد کوممکنہ نقصان دہ اثرات سے محفوظ رکھ سکیں۔

یہی وجہ ہے کہ یہاں پر ایک ایسے اینٹٰی ایجنگ وائپس بنانے کے ترکیب پیش کی جارہی ہے جوجلد کو صاف ، چمکدار رکھنے کے ساتھ عمر رسیدگی کے اثرات دور کرنے میں بھی معاون ثابت ہو گا۔

اینٹی ایجنگ وائپس بنانے کے ترکیب

:اجزاء

اس وائپس کو بنانے کے لیے سب سے پہلے اس کا محلول تیار کرنا ہے جس کے لیے آپ کو جواجزاء چاہئے ان میں ایک چوتھائی کپ نم گرم پانی، ایک چوتھائی چائے کا چمچ کاسٹائل صابن، آدھا کھانے کا چمچ ناریل کا تیل، اپنے من پسند ایسنشیل کے چند قطرے اور کوٹن وائپس شامل ہیں۔

ہدایات:

ان تمام اجزاء کوایک ساتھ ملا کر اچھی طرح مکس کریں، اب خالی جار میں کاٹن وائپس ڈال کر اس میں تیار محلول شامل کریں یہاں تک کہ تمام وائپس محلول سے تر ہوجائیں، اب اسے گھنٹہ بھر ے لیے رہنے دیں۔

فوائد:

کاسٹائل صابن

یہ ایک ایسا صابن ہے جو مختلف سبزیوں کے تیل سے تیار کیا جاتا ہے پہلے اس میں صرف زیتون کا تیل استعمال کیا جاتا تھا مگر اب ناریل کا تیل اس کا سب سے اہم جز ہے۔ آپ اسے گھر کے بنے ہوئے باڈی واش، لانڈری ڈٹرجنٹ اور ہینڈ صابن سے لے کر ہر چیز کے لیے استعمال کر سکتے ہیں۔

پانی

چونکہ یہ وائپس کافی عرصے تک استعمال کئے جاسکتے ہیں اس لئے اس میں بیکٹریا کی افزائش کو روکنے کے ابلاہوا یا ڈسٹل پانی استعمال کرنا چاہئے۔