لونگ پیپرایک ایسا صحت بخش پھل، جڑی بوٹی یا مصالحہ ہے جو صدیوں سے کھانوں کے ذائقہ بڑھانے سے لے کر کئی امراض میں بطور دوا استعمال کیا جارہا ہے۔

اس کا مزاج گرم اور خشک ہو تا ہے فلفل دراز کو مگھا اور پپلی جبکہ انگریزی میں اسے لونگ پیپر کہا جاتا ہے۔ اس کا ذائقہ کالی مرچ اور دار چینی سے ملتا جلتا ہوتا ہے، اسے مختلف پکوان میں گرم مصالحہ کی طرح شامل کیا جاتا ہے ۔ یہ نظام تنفس اور پیٹ سے جڑے امراض کے لئے بہترین تصور کیا جاتا ہے۔ اس میں پروٹین،کاربوہائیڈریٹ،چینی ، فائبر اور چکنائی پائی جا تی ہے ۔ جانتے ہیں یہ کس طرح جسمانی بیماریوں سے آپ کو تحفظ فراہم کرتی ہے۔

یہ خون کو صاف کرنے، جسم سے فاسد مادو ں کو خارج کرنے اور خون کی کمی کو دور کرتا ہے۔

اس میں نظام انہضام کو بہتر کرنے کی بھر پور صلاحیت پائی جاتی ہے ۔ گیس اور بد ہضمی کو دور کر کے پیٹ کو آرام دیتا ہے۔

پھیپڑوں کو صحت مند رکھتا ہے ۔ کھانسی اور دمہ میں اس کا ستعمال کسی نعمت سے کم نہیں ۔ سانس کے انفیکشن میں مفید ثابت ہوتا ہے ۔ بخار کو کم کرتا ہے ۔
جلد کے امراض کا علاج کرتا ہے ۔ رنگت نکھارتا ہے۔

بواسیر کے لئے اکسیر ہے۔

اعصابی نظام کو تقویت بخشتا ہے ،اضطراب،خوف اور فکر جیسے کیفیت سے نجات دیتا ہے ۔ یاداشت اور عقل کو بڑھاتاہے۔

جوڑوں کے درد میں مفید ہے ، خاص طور پر گٹھیا میں اس کا استعمال فائدہ دیتا ہے۔

یہ جلد کو بہتر بنانے اور موسمی اثرات سے محفوظ رکھتی ہے ۔

اس کا باقاعدہ استعمال ذیا بیطس کے مریضوں کے لئے مفید ہے یہ خون میں گلوکوز کی سطح کو اعتدال میں رکھتا ہے ۔ اور انسولین کو بڑھاتا ہے ۔

یہ کئی طرح کے بیکٹیریل سے ہو نے والے انفیکشن کی روتھام کرتا ہے، دانت کے درد میں کمی لاتا ہے۔

یہ ایک شفا بخش جڑی بوٹی ہے جو آپ کی مجموعی صحت کو برقرار رکھنے میں معاون ثابت ہو تی ہے۔

استعمال:

اسے کسی بھی کھانے کے ساتھ شامل کیا جا سکتا ہے ،کھانسی اور گلے کے امراض کے لئے اسے شہد میں ملا کر استعمال کریں۔

نوٹ:اسے طویل عرصے تک استعمال کرنے سے گریز کریں کیو نکہ اس کا مزاج گرم ہے اور اس طرح یہ نقصان کا باعث بن سکتا ہے۔ اور اسے کسی بھی کھانے کے ساتھ ایک گرام سے زیادہ ہر گز استعمال نہ کریں۔ اورکسی بھی بیماری کی صورت میں اس کے استعمال سے قبل اپنے معالج سے ضرور رابطہ کریں۔