اولاد والدین کی زندگی کی سب سے بڑی متاع ہیں اور وہ انہیں دیکھ کرہمیشہ ہی سرشار رہتے ہیں انہیں فرط محبت سے چومتے ہیں اور ہر وقت ان کی بہتر صحت، تعلیم اور مستقبل کے لیے کوشاں رہتے ہیں۔

دنیا بھرمیں تمام ہی والدین اپنے بچوں سے محبت کے اظہار کے لیے مختلف انداز اپناتے ہیں کوئی ان کا ماتھا چومتا ہے تو کوئی کے ہاتھوں پر بوسہ دیتا ہے۔ کسی کے ہاں بچے کو گلے لگانا پیار کا ااظہار ہے تو کوئی گود میں اٹھا کر اپنے جذبات کا اظہار کرتا ہے۔

تاہم ماہرین نے والدین کی جانب سے بچوں کے لیے پیش کئے جانے والے محبت بھرے جذبات اور ان کے اظہار کے طریقوں کو جاننے کے لیے تحقیق تو حیران کن نتائج سامنے آئے یعنی محبت کا ہر انداز ایک منفرد سوچ اور جذبہ سے منسلک تھا جانتے ہیں کہ آپ اپنے بچے سے محبت کے اظہار کرتے وقت کونسا انداز اپناتے ہیں اور اس کی پیچھے آپ میں کون سا جذبہ کارفرما ہوتا ہے۔

بچوں کو محبت سے چومنا یا انہیں بوسہ لینا

والدین کی جانب سے بچوں کوپیار سے چومنا عام ہے اس کی چار اقسام ہیں یعنی جس جگہ بوسہ دیا جاتا ہے اس کا ایک سائنسی وجہ ہے جبکہ اس میں عمرکا بھی دخل ہے یعنی کس عمر میں یہ عمل کس جگہ پر انجام دیا جاتا ہے اور اس کے پیچھے کیا جذبہ چھپا ہوا ہے جانتے ہیں۔

فخر

آپ جب بھی اپنے بچے پر فخر محسوس کریں گے اس کے سر کے درمیان میں بوسہ دیں گے ایسا عموماً اس وقت ہوتا ہے جب بچہ تعلیم یا کسی میدان کامیابی حاصل کر کے والدین کا سر فخر سے بلند کرتا ہے تو ایسی صورت میں والدین اپنے بچے پرفخر محسوس کرتے ہوئے اس کے سر کے بلکل درمیان میں محبت سے چومتے ہیں۔

اطمینان اور سکون

جب بچہ اپنے والدین کی فرماں برداری کے سبب ان کے سکون کا باعث بنتے ہیں تو ایسی صورت والدین اس کے ماتھے پر بوسہ دیتے ہیں۔ یہ اس بات کی علامات ہوتی ہے کہ والدین بچے سے بہت خوش اور مطمیئن ہیں۔

خواہش اور آرزو

والدین جب بھی بچے کو اپنی آرزویا خواہش قرار دیتے یا ان سے کسی خواہش کا اظہار کرتے ہیں توایسی صورت میں ان کے رخساروں کو پیار سے بوسہ دیتے ہیں جیسے کسی کو بیٹی کی خواہش ہو اور اسے رب کی جانب سے عطا کر دی جائے تووہ فرط جذبات میں اپنی بیٹی کے رخساروں کو چومنے لگتا ہے۔

محبت اور لگاؤ

شددت سے محبت اور لگاؤ کے اظہار کے لیے والدیں بچوں کے ہاتھوں کو چومتے ہیں۔

اسی طرح والدین بچوں کو پیارکے اظہار کے لیے کچھ اور بھی طریقے اختیاربھی کرتے ہیں جو یہاں پیش کئے جارہے ہیں۔

 پیار سے کمرکو سہارنا

والدین بچوں کو پاس بلاکر اکثر ان کی کمر پر پیار سے ہاتھ پھیرتے ہیں تو اس کا مطلب یہ ہوتا ہے کہ اس وقت ان کو اپنے بچوں سے ہمدردی ہے۔ یعنی یہ عمل ہمدردی کے اظہار کے لیے کیا جاتا ہے۔

فخر

والدین کا بچوں کے ماتھے سے لے کر سر پر ہاتھ پھیرنا اور بالوں  کو سہلانا فخر کو ظاہر کرتا ہے۔

مثبت توانائی

اکثر والدین بچوں کے ماتھے پراپنے ہاتھ چند لمحوں کے لیے رکھتے ہیں تاکہ بچوں میں مثبت توانائی پہنچ سکے یہ عمل اکثر بچوں میں کسی پریشانی کے سبب کیا جاتا ہے۔

محبت اور نرمی

اگر والدین بچوں کے دونوں رخساروں پر اپنے ہاتھ رکھتے ہیں تو اس طرح وہ بچوں سے محبت، نرمی اور رحم دلی کا اظہار کر رہے ہوتے ہیں۔

اضطراب اور پریشانی

ایسی صورت میں والدین بچے کے ہاتھ کو اپنے دانوں ہاتھوں کے درمیان رکھ کر چند لمحوں کے لیے تھامے رہتے ہیں تاکہ کسی بھی سبب اضطراب یا پریشانی ہے تو وہ کم کی جاسکے اور اسے یہ احساس ہو کہ اس مشکل وقت میں اس کے وادین اس کے ساتھ ہیں۔

غصہ

بچے جب غصے میں ہوتے ہیں یا والدین کی نافرمانی کر رہے ہوتے ہیں تو اسی صورت میں والدین بچوں کے سینے پر ہاتھ کر انہیں پرسکون کرنے کی کوشش کرتے ہیں تاکہ وہ جس بھی کیفیت میں سکون کی حالت میں آجائیں۔