یہ جملہ آپ نے اکثر سنا ہوگا کہ فلاں شخص اپنی عمر سے کئی برس بڑا لگتا ہے یا یہ خاتون اپنی عمر کی نسبت بوڑھی دکھائی دیتی ہے، اور کبھی ایسا بھی ہوتا ہے کہ لوگ کسی شخص کو دیکھ یہ بھی کہتے ہیں یہ تولگتا ہی نہیں ہے کہ یہ اتنی بڑی عمر کا ہے تواس کا کیا مطلب ہے؟

اپنی جسمانی عمرکو جاننے یا حساب لگانے کا مطلب یہ ہے کہ آپ خود جواں اور صحت مند محسوس کرتے ہیں یا نہیں۔ تاہم یہ سائنسی طور پردرست اندازہ نہیں ہے۔

آپ کی حقیقی عمر کا حساب لگانا آسان ہے، جسے آپ کی “تاریخی عمر” بھی کہا جاتا ہے، لیکن آپ کی حیاتیاتی عمرجاننے کے لیے اپنے آپ کو کچھ جسمانی ٹیسٹوں سے گزرنا اور موجودہ طرز زندگی کا اندازہ لگانا ضروری ہے۔

اس طرح جو تفصیلات آپ کو حاصل ہوں گی وہ آپ کو آپ کی صحت کی عادات کے بارے میں بہت کچھ بتا سکتی ہیں اور یہ جاننے میں آپ کی مددگارکر سکتی ہیں کہ آپ زندگی کو بہتر بنانے کے لیے کن تبدیلییوں کی ضرورت ہے۔خاص طور پر اگر آپ چاہتے ہیں کہ آپ بڑھتی عمر سے ساتھ بھی جواں نظر آئیں۔

جسمانی حالت

آرام دہ حالت میں نبض کی رفتار نوٹ کریں، دل جسم کے سب سے اہم ترین اعضاء میں سے ایک ہے، اوردل کی صحت سے مجموعی صحت جڑی ہوئی ہے، عام طور پر ایک صحت مند دل کی دھڑکن  60 سے100 بار فی منٹ کے درمیان ہوتی ہے آرام کرتے وقت آپ کی دل کی دھڑکن کی رفتار اس سے کم یا زیادہ نہیں ہونی چاہئے۔

اپنے دائیں ہاتھ کی پہلی دو انگلیاں اپنی بائیں کلائی کے اندر اپنے انگوٹھے کے بالکل نیچے، بڑی شریانوں میں سے ایک کے اوپر رکھیں۔ آپ کو نبض محسوس کرنا چاہئے۔ دل کی دھڑکنوں کی تعداد 15 سیکنڈ تک گنیں اور پھر اس تعداد کو اپنے دل کی دھڑکن فی منٹ کے لیے 4 سے ضرب دیں۔

عام طور پرآرام دہ حالت میں اس کی کم شرح مضبوط  اور صحت مند دل کی نشاندہی کرتی ہے۔ جبکہ زیادہ شرح کا مطلب ہے کہ آپ کے دل کوزیادہ محنت کرنی پڑ رہی ہے جوکہ دل کے کمزورہونے کی جانب اشارہ کرتی ہے۔

واضح رہے کہ سکون کی حالت میں دل کی دھڑکن 100 فی منٹ ہے تو آپ اپنی تاریخی عمر سے ایک برس بڑے ہیں۔

جسمانی لچک

کیا آپ اب بھی اپنی ہاتھوں کی انگلیوں سے پیروں کو انگلیوں کو چھو سکتے ہیں؟ عمر بڑھنے کے ساتھ جسمانی لچک میں کمی آنے لگتی ہے اس کی وجہ بڑھتی عمر میں جسم میں پانی کی کمی ہونے لگتی ہے، بافتوں کی کیمیائی ساخت میں تبدیلی، کولیجینس ریشوں کے ساتھ پٹھوں کے ریشے کی کمی، اور کیلشیم کے ذخائر میں اضافہ جیسے متعدد عوامل کی وجہ سے لچک میں کمی آنے لگتی ہے۔ اور یہی آپ کو صحت کے بارے میں آگاہ کرسکتی ہے۔

اپنی پیٹھ سیدھی، ٹانگوں کو ایک ساتھ، اور کندھے کی سطح پر اپنے سامنے بازوؤں کے ساتھ فرش پر بیٹھیں۔ اپنی ٹانگوں کے ساتھ، اپنی انگلیوں کے نیچے سیدھے پوائنٹ کو فرش پر نشان زد کریں اور پھر اپنی ٹانگوں کو سیدھا رکھتے ہوئے آہستہ آہستہ آگے بڑھیں۔ نشان لگائیں جہاں آپ کی انگلیاں پہنچتی ہیں اور دو نشانوں کے درمیان فاصلے کو انچ میں نوٹ کریں۔

آپ کی انگلیاں پیروں کی انگلیوں کے جتنی قریب ہیں آپ اتنے ہی جواں ہیں اگر یہ فاصلہ زیادہ ہے تو اس کا مطلب یہ ہے کہ آپ کے جسم کی لچک کم ہوگئی ہے۔

اپنی طاقت کی جانچ کریں

 آپ کتنے مضبوط ہیں؟ عام طور پر، لوگ تقریباً 30 سال کی عمر تک مضبوط عضلات حاصل کر لیتے ہیں۔ تاہم، اس کے بعد، آہستہ آہستہ پٹھوں کا حجم اور اس وجہ سے، جسمانی طاقت کم ہونے لگتی ہے۔

30 سال سے زیادہ عمر کے لوگ جو غیر فعال ہیں اور کسی جسمانی سرگرمی میں حصہ نہیں لیتے وہ ہر دہائی میں اپنے پٹھوں کی طاقت بڑے پیمانے پر کھو سکتے ہیں، اور یہاں تک کہ جسمانی طور پر فعال لوگوں میں بھی اس کمی میں ہوسکتی ہے۔ اس طرح ان کی نقل و حرکت محدود ہوسکتی ہے۔

اپنی جسمانی طاقت کی جانچ کے لیے پش اپ کرنے کو شش کریں اگر آپ نے 10 سے کم پش اپس کیے ہیں تو  اپنی جسمانی عمر سے  ایک برس بڑے ہیں اگر 10سے19 پش اپ کئے تو کم کریں نہ اضافہ ہاں اگر آپ نے 30 یا اس سے زیادہ پش اپ کئے ہیں تو اپنی عمر سے دو برس جواں ہیں۔

کمر کی پیمائش کریں

کیا آپ کے جسم کی شکل ناشپاتی، سیب، یا ایوکاڈو کی طرح دکھائی دیتی ہے؟ عمر بڑھنے کے ساتھ وزن میں اضافہ ہونا عام ہے۔ کسی شخص کی شکل اور خاص طور پر ان کی کمر سے کولہے کا تناسب جسم میں چربی کی تقسیم کا اندازہ لگانے کا ایک نہایت کار آمد طریقہ ہے، جو کہ ممکنہ صحت کے خطرات جیسے ہائی بلڈ پریشر، ذیابیطس اور فالج کی نشاندہی کر سکتا ہے۔

اپنی کمر کی پیمائش (انچ میں) سے اپنے کولہے کی پیمائش (انچ میں) تقسیم کریں اور پھر دو نمبروں کو تقسیم کریں۔ اپنی کمر کو ناف سے تقریباً دو انچ اوپر اور اپنے کولہوں کو ان کے چوڑے مقام سے ناپنا یقینی بنائیں۔

کمر سے کولہے کی پیمائش کے لیے، مردوں کے لیے 1.0 سے زیادہ اور خواتین کے لیے .85 کا تناسب اس بات کی نشاندہی کرتا ہے کہ آپ اپنے درمیانی حصے میں جسم کی چربی کی مثالی مقدار سے زیادہ لے رہے ہیں۔

اگر آپ تجویز کردہ تناسب سے تجاوز کرتے ہیں تو اپنے اسکور میں 1 کا اضافہ کریں۔

اپنے باڈی ماس انڈیکس کا حساب لگائیں

آپ کا باڈی ماس انڈیکس یا بی ایم آئی آپ کے جسم کے میک اپ کی پیمائش کرنے کا ایک اور طریقہ ہے۔ اسے جاننے کے لیے عمر، قد اور وزن کو ایک کیلکیولیٹر کے ذریعے دیکھا جاتا ہے۔ کہ وزن کتنا ہونا چاہئے۔ کسی کا بی ایم آئی  25 یا اس سے زیادہ ہو تو اس کا وزن زیادہ تصور کیا جاتا ہے۔

اگر آپ کا بی ایم آئی 18.5 سے کم ہے تو اپنے اسکور میں 1 کا اضافہ کریں، اگر یہ 25-29.9کے درمیان ہے 2 کا اضافہ کریں اور اگر یہ 30 سے زیادہ ہے تو 3 کا اضافہ کریں۔

اپنی رات کی نیند کا حساب لگائیں

جسمانی صحت کے لیے گہری اور پر سکون نیند نہایت اہمیت رکھتی ہے۔ نیند آپ کے دماغ اور جسم کو آرام کرنے اور خود کو ٹھیک کرنے کا موقع فراہم کرتی ہے، جبکہ نیند کی کمی آپ کے ہائی بلڈ پریشر، گردے کی بیماری، فالج اور موٹاپے کے خطرے کو بڑھا دیتی ہے۔

نیند کی کمی آپ کے علمی افعال کو بھی متاثر کرتی ہے۔ آپ روزانہ رات میں کتنی نیند لیتے ہیں؟ اوسط بالغ کوروزانہ  7 سے 8 گھنٹے رات کی ضرورت ہوتی ہے۔ باقاعدگی سے اس سے کم حاصل کرنا آپ کو بدمزاج، ذہنی طور پر تھکا ہوا اور جسمانی طور پر بوڑھا بنا سکتا ہے۔

اگر آپ باقاعدگی سے 7سے 9 گھنٹے کے درمیان نیند لیتے ہیں تو اپنے اسکور سے .5 گھٹائیں۔ اگر آپ 5 سے 6 گھنٹے کے درمیان سوتے ہیں یا اگر آپ فی رات 9 گھنٹے سے زیادہ سوتے ہیں تو 1 شامل کریں۔ اگر آپ کو فی رات 5 گھنٹے سے کم وقت ملے تو 2 شامل کریں۔

آپ کیسی غذا لیتے ہیں

غذائیت سے بھرپور خوراک آپ کو مضبوط پٹھوں، ہڈیوں، دانتوں اور اعضاء کے ساتھ اچھی صحت میں مددفراہم کرتی ہے۔ ساتھ ہی یہ کئی امراض سے بھی بچاتی ہے۔ یہ آپ کے دماغ کو تیز اور آپ کے جسم کو توانائی سے بھرا رکھتی ہے۔

زیادہ پروسس شدہ کھانے، شکر، سوڈیم، نائٹریٹ اور سیر شدہ چکنائی کوغذا میں شامل نہ کریں یا ان کی مقدار کو محدود کریں۔

اپنی غذا میں ہر طرح کے پھل اور سبزیاں، پروٹین جیسے مچھلی، چکن، اور گری دار میوے، اورکاربوہائیڈریٹس اور اناج کی تمام اقسام شامل کریں۔ تاکہ آپ کا وزن بھی اعتدال میں رہے اور آپ صحت مند رہ سکیں۔