ٹماٹر ایک ایسی سبزی ہے جسے کھانا بنانے میں استعمال کیا جاتا ہے لیکن ہم میں سے اکثر لوگ اس کی افادیت سے واقف نہیں ہیں۔

ٹماٹر میں وٹامن سی، وٹامن کے، آئرن، پوٹاشیم اور دیگر متعدد اجزاء موجود ہوتے ہیں، اسے اینٹی آکسیڈنٹ کے طور پر استعمال کرکے بلڈ پریشر کو بڑھنے سے روکا جاسکتا ہے۔

 ٹماٹر کھانے کے حیران کن فوائد

لائیکو پین

ٹماٹر میں ایک اینٹی آکسیڈنٹ لائیکوپین موجود ہوتا ہے جو کہ جلد کو سرخ و سفید رکھنے میں ہی مدد نہیں دیتا بلکہ کولیسٹرول کی سطح میں کمی، بینائی میں بہتری اور جلدی صحت کے لیے فائدہ مند ہوتا ہے ۔

ہائی بلڈ پریشر سے بچائے

روزانہ کی غذا میں ٹماٹر کو شامل کرکے ہائی بلڈ پریشر جیسے  مرض سے بچا جاسکتا ہے جس کی وجہ اس میں موجود پوٹاشیم ہے ۔ غذا میں مناسب مقدار میں پوٹاشیم چہرے کو سوجن سے بھی بچاتی ہے ۔

موٹاپے سے تحفظ

روزانہ ناشتے میں ٹماٹر کھانا نہ صرف جلد کے لیے مفید ہے بلکہ یہ وزن کم کرنے میں بھی معاون ثابت ہوتا ہے ۔ امریکی سائنس دانوں کے مطابق، روزانہ ناشتے میں ٹماٹروں کا پکائے بغیر استعمال وزن میں حیرت انگیز طور پر کمی لاتا ہے ۔

جسمانی خوبصورتی

ٹماٹر کو جلد، چہرے اور بالوں کے لیے بہت مفید قرار دیا جاتا ہے کیونکہ اس میں کیروٹین، لیوٹین اور لائیکوپین جیسے اجزا موجود ہوتے ہیں ۔ لائیکو پین سورج کی مضر شعاعوں سے جلد کو بچانے میں مدد دیتا ہے ۔

جلد سے بلیک ہیڈ دور کرے

ٹماٹر کے ٹکڑے کو چہرے پر رگڑنے سے جلد کے ان حصوں کو صاف کیا جاسکتا ہے جہاں سیاہ رنگ کے نشانات نمایاں ہوتے ہیں ۔

کیل مہاسے دور کرے

ٹماٹر کو کیل مہاسوں کو دور کرنے کے لیے بھی اچھا ذریعہ سمجھا جاتا ہے، اس میں موجود وٹامن اے، سی، کے اور تیزابی خصوصیات چہرے کو کیل مہاسوں سے صاف کرنے میں مدد دیتی ہیں ۔ اس کے گودے کو چہرے پر لگائیں اور دس منٹ بعد دھونے کے بعد آپ نتیجہ دیکھ کر حیران رہ جائیں گے ۔

ہاضمہ بہتر

اس کے استعمال سے ہاضمے میں بھی مدد ملتی ہے اور یہ آپ کے میٹابولیزم کو بھی بہتر بناتا ہے ۔