چہرے کی خوبصورتی میں ہونٹوں کی اتنی ہی اہمیت ہے جتنی ہماری آنکھیں اور بالوں کی، اگر ہمارے ہونٹ خشک اور پٹھے ہوئے ہونگے تو ساری خوبصورتی ماند پڑ جاتی ہے۔

 ہونٹ ہمارے چہرے کا ایک ایسا عضو ہیں  جو ہمارے چہرے کی خوبصورتی کو بڑھاتے ہیں ۔

آج ہم آ پ کو کچھ ایسے طریقے بتا رہے ہیں جن پر عمل کرکے آپ اپنے ہونٹوں کی خوبصورتی میں اضافہ کر سکتے ہیں۔

کہیں بھی جائے پانی ساتھ لے جائیں

جسمانی صحت کے حوالے سے پانی کی اہمیت سے سب ہی واقف ہیں یہ جہاں آپ کی مجموعی صحت کو برقرار رکھے گا وہیں جلد اور ہونٹ کی بھی قدرتی نمی اور چمک کا بحال رکھے گا۔

ہونٹ پر زبان پھیرنا

اکثر لوگوں کی عادت ہوتی ہے کہ وہ مسلسل اپنی زبان ہو نٹوں پر پھیرتے رہتے ہیں ،اس طرح تھوک میں شامل عناصر ہونٹ کی بیرونی جو کہ حفا ظتی تہہ کہلاتی ہے کو بری طرح نقصان پہنچا کر ہوںٹ کی خشکی کا سبب بنتے ہیں۔

اس عمل سے گریز کریں اور ہونٹ پر لپ بام کا استعمال کریں۔

بہترین لپ بام کا انتخاب کریں

ایسی بام کا انتخاب کریں جس میں ہوںٹ کی قدرتی نمی کو برقرار رکھنے والے اجزا موجود ہوں، جیسے شہد کی مکھی سے حاصل ہونے والا موم، تخم ملنگا سے بنایا گیا مکھن، وٹامن ای اورناریل یا بادام کا تیل۔

اس کے ساتھ ہی پیٹرولیم جیلی اور ویسلین بھی کافی کار آمد ہیں۔

ایکسفولیٹ

ہونٹ کی رنگت اگر گہری ہونے لگے تو اس کا مطلب یہ ہے کہ اسے ایکسفولیٹ کی ضرورت ہے اس مقصد کے لیے چہرہ پر لگایا جانے والا اسکرب بھی استعمال کیا جاسکتا ہے۔

اس طرح ہونٹ پرسے مردہ جلد اترکر نئی جلد آنے لگے گی اور ہونٹ قدرتی گلابی نظر آئیں۔

حفاظت میں احتیاط سے کام لیں

سورج کی مضر شعاعیں چہرہ کے ساتھ ہوںٹ کی جلد کے لیے بھی نقصان کا باعث بنتی ہیں کیوںکہ ہونٹ پر جلد کی باریک تہہ ہوتی ہے جس میں میلانن کم پایا جاتا ہے اسی لیے جب بھی گھر سے باہر جائیں چہرہ کے ساتھ ہونٹ کے لیے بھی سورج کی مضر شعاعوں سے تحفظ کے لیے ایسی پروڈکٹ یا لپ اسٹک کا انتخاب کریں جن میں ایس پی ایف 15 شامل ہو۔

میٹ لپ اسٹک کبھی کبھی

ایسے ہونٹ جو پہلے ہی کھردرے اور خشک ہوں ان کے لیے میٹ لپ اسٹک مزید نقصان کا باعث بنتی ہے۔

لہٰذا اس کے لگانے میں احتیاط سے کام لیں اور کبھی کبھار استعمال کریں، یا اس کے بجائے ایسی لپ اسٹک خریدیں جن میں وٹامن ای یا گلیسرین شامل ہو اور کبھی میٹ لپ اسٹک لگانا مقصود ہوتو پہلے لپ بام لگائیں۔