اگر آپ کو مستقل ’نزلہ زکام‘ رہتا ہے تو اس کی وجہ آپ کے ہاتھ میں موجود موبائل فون ہے۔

محمد بن راشد یونیورسٹی آف میڈیسین اینڈ ہیلتھ سائنسز اور آسٹریلیا کی بونڈ یونیورسٹی کی مشترکہ تحقیق میں بتایا گیا کہ اسمارٹ فون اور اسمارٹ واچ کی صفائی کو یقینی بنانا لوگوں کی صحت کو زیادہ بہتر تحفظ فراہم کرسکتا ہے۔

تحقیق میں دریافت کیا گیا کہ ہاتھوں کی صفائی کا فائدہ اس صورت میں نہیں ہوتا اگر اسمارٹ فون یا دیگر ڈیوائسز کی صفائی کا خیال نہ رکھا جائے

تحقیق کے مطابق گرم درجہ حرارت اور ٹچ اسکرین ڈسپلے کی وجہ سے اسمارٹ فونز امراض کا باعث بننے والے جراثیموں کی افزائش کے لیے مثالی ثابت ہوتے ہیں۔

محققین نے بتایا کہ فونز کبھی ہم سے زیادہ دور نہیں ہوتے اور ہم انہیں ہر جگہ ساتھ لے جاتے ہیں، اسی لیے فونز کی صفائی کو عادت بنانا اسی طرح ضروری ہے جس طرح ہم ہاتھوں کی صفائی کا خیال رکھتے ہیں

اس تحقیق میں ایک طبی مرکز کے عملے کو شامل کرکے ان کے موبائل فونز اور اسمارٹ واچز کے نمونوں کی جانچ پڑتال کی گئی تھی۔

مزید پڑھیں: موبائل سم خریدنے والوں کیلئے اہم خبر؛ پی ٹی اے کا بڑا بیان آگیا

حقیق کے مطابق کچھ جراثیم ایسے تھے جو ادویات کے خلاف مزاحمت کی صلاحیت رکھتے تھے جبکہ کچھ ڈیوائسز میں تو کورونا وائرس کو بھی دریافت کیا گیا۔

محققین نے بتایا کہ فونز کی اسکرین پر موجود یہ جراثیم لوگوں کی صحت کے لیے خطرہ ثابت ہوسکتے ہیں مگر موبائل فونز کی صفائی سے اس خطرے کو کم کیا جاسکتا ہے