ناشتہ دن کی ایک اہم غذا ہے اور اس سے انسان پورا دن چاق و چوبند رہتا ہے۔

لیکن اگر آپ چائے پاپے سے ناشتہ کرتے ہیں تو یہ آپ کی صحت کیلئے خطرناک ثابت ہو سکتا ہے۔

جی ہاں، ماہرینِ صحت کی جانب سے اسے صحت کیلئے خطرناک قرار دے دیا گیا ہے۔

ماہرین کا کہنا ہے کہ پاپا ایک خشک اور شوگر سے بھرپور ڈبل روٹی کی ایک  قسم ہے جس میں شامل شوگر کی بھاری مقدار، جیلاٹن اور ٹرانس فیٹس انسان کی قوت مدافعت کو متاثر کرتے ہیں۔

یہ بھی پڑھیں: ناشتہ نہ کرنے کے نقصانات جان کر آپ دنگ رہ جائیں گے

ایک حالیہ تحقیق میں یہ بات سامنے آئی ہے کہ پاپے میں روٹی سے بھی زیادہ کیلوریز ہوتی ہے، تقریباً 100 گرام پاپے یا بسکٹ میں407 کلو کیلوری ہوسکتی ہے۔

ایک رپورٹ کے مطابق پاپے کو اکثر باسی روٹی سے بنایا جاتا ہے جو صحت کو نقصان پہنچانے کی ایک بڑی وجہ ہے۔

پاپا بنانے میں چینی، تیل، میدے اور خمیر کا استعمال کیا جاتا ہے جو مضر صحت ہے جس سے کھانے والے کو پیٹ کی خرابی جیسے مسائل کا سامنا کرنا پڑ سکتا ہے۔

میٹھی چائے اور میٹھے پاپے ناشتے میں خوب مزہ دیتے ہیں لیکن چینی کی زیادتی کی وجہ سے جسم میں شوگر کا لیول بڑھ جاتا ہے جس کی وجہ سے جسم میں انسولین کا لیول متاثر ہوتا ہے۔

یہ بھی پڑھیں: ناشتہ نا کرنے سے آپ کی صحت پر کیا اثرات مرتب ہوتے ہیں؟ جانیے

روزانہ پاپے کھانے سے آپ شوگر کے مریض اور موٹاپے کا شکار ہوسکتے ہیں۔

پاپے اور چائے میں کاربوہائیڈریٹ کی مقدار زیادہ ہوتی ہے جس سے قوت مدافعت متاثر ہوتی ہے۔