ماہرین کا کہنا ہے کہ دہی انسانی جسم میں آنتوں کی صحت کو کنٹرول کرنے میں معاون سمجھا جاتا ہے لیکن اس کے مضر اثرات بھی ہیں۔

حال ہی میں کی گئی تحقیق کے بعد ماہرین کا کہنا ہے کہ دہی انسانی جسم میں آنتوں کی صحت کو کنٹرول کرنے میں معاون سمجھا جاتا ہے لیکن بہت ہی کم لوگ دہی کے مضر اثرات سے واقف ہیں۔

   ہاضمے کے مسائل

دہی ہاضمے کے مسائل جیسے ڈکار، سینے میں جلن اور قبض ٹھیک کرنے میں معاون کردار ادا کرتا ہے لیکن اس کے کچھ نقصان دہ بیکٹریا بھی ہوتے ہیں جو گیس اور پیٹ پھولنے کا سبب بنتے ہیں۔

جو لوگ روزانہ دہی استعمال کرتے ہیں وہ شدید قبض کا شکار ہوتے ہیں اور ان کو ضرورت سے زیادہ پیاس لگتی ہے۔

یہ بھی پڑھیں: دہی کا استعمال خواتین کی صحت کے لئے مفید کیوں؟

 مائیگرین درد کی ممکنہ وجہ

طبی ماہرین کا کہنا ہے کہ دہی ایسی غذا ہے جو سر درد اور مائیگرین کو متحرک کرسکتا ہے یہ بائیو جینک امائن کی وجہ سے ہوتا ہے جو اس وقت بنتے ہیں جب پروٹین سے بھرپور غذائیں خراب ہوجاتی ہیں یا نقصان دہ بیکٹریا کے ذریعے فارمیٹڈ ہوتے ہیں۔

الرجی کے مریض ہوشیار

وہ افراد جو الرجی کا شکار رہتے ہیں انہیں دہی کے استعمال سے پرہیز کرنا چاہیے کیونکہ اس میں پروبائیوٹکس ہوتا ہے جو آنتوں اور نظام انہضام میں الرجی کو بڑھاتا ہے۔

یہ بھی پڑھیں؛ دہی کھائیں چہرے پر بھی لگائیں، جلد کے ڈھیروں مسائل سے چھٹکارہ پائیں

 پروٹین کی زیادتی

جو لوگ جوڑوں کے درد میں مبتلا رہتے ہیں اگر روزانہ کی بنیاد پر دہی کا استعمال کریں گے تو ان کے درد میں مزید اضافہ ہوگا کیونکہ اس میں پروٹین وافر مقدار میں ہوتے ہے۔