دن بھر معمول کے کام کی انجام دہی کے بعد تھکن ہونا عام ہے تاہم کچھ لوگ ہمیشہ ہی تھکن کی شکایت کرتے نظر آتے ہیں۔

کہا جاتا ہے کہ نیند کی کمی تھکن کا باعث بنتی ہے تاہم حیرت کی بات یہ ہے کہ ایسے تمام افراد کسی بھی جسمانی سرگرمی کے بغیر تھکاوٹ محسوس کرتے ہیں یہاں پر چند ایسی ہی وجوہات بتائی جارہی ہیں جو آپ کی تھکن کا باعث بنتی ہے۔

نیند کی کمی

اگر آپ کی نیند کا دورانیہ 6 گھنٹے سے بھی کم ہے تو ہر وقت تھکاوٹ کے احساس پر حیران ہونے کی ضرورت نہیں۔

نیند کی کمی سے توجہ مرکوز کرنے کی صلاحیت متاثر ہوتی ہے جبکہ صحت بھی خراب ہوسکتی ہے۔

اس کا حل بہت سادہ ہے اور وہ ہے ہر رات 7 سے 8 گھنٹے کی نیند کریں۔

یہ بھی پڑھیں: سورج کی روشنی میں وقت گزارنا تھکاوٹ کا باعث بنتا ہے، تحقیق

خوراک کا خیال نہ رکھنا

بہت کم مقدار میں کھانے سے بھی تھکاوٹ کا سامنا ہوتا ہے جبکہ فاسٹ فوڈ کا شوق بھی اس مسئلے کی وجہ بن سکتا ہے۔

اس کا حل بھی آسان ہے اور وہ ہے متوازن غذا کا استعمال ہے۔

اچھے ناشتے کو اپنے معمولات کا حصہ بنائیں جبکہ دن بھر میں ایسی غذا کا استعمال کریں جو جسمانی توانائی میں اضافہ کرے۔

خون کی کمی

خون کی کمی بھی ہر وقت تھکاوٹ کا باعث بننے والی اہم وجہ ہے۔

خون کے سرخ خلیات ہمارے جسم کے ہر حصے تک آکسیجن پہنچانے کا کام کرتے ہیں مگر خون کی کمی کی صورت میں ایسا نہیں ہوتا جس سے ہر وقت تھکاوٹ کا احساس ہوتا ہے۔

یہ بھی پڑھیں: دن بھر بیٹھنے کے باوجود بیشتر افراد کو تھکاوٹ کا سامنا کیوں ہوتا ہے؟ نئی تحقیق سامنے آگئی

خون کی کمی کو مختلف غذاؤں جیسے کلیجی، بیج، مچھلی اور دیگر آئرن سے بھرپور غذاؤں سے دور کیا جاسکتا ہے۔

ڈپریشن

اگر آپ کے خیال میں ڈپریشن صرف ذہنی مسئلہ ہے تو یہ جان لیں کہ اس سے جسم پر بھی منفی اثرات مرتب ہوتے ہیں۔

تھکاوٹ، سردرد اور کھانے کی خواہش ختم ہوجانا ڈپریشن کی عام علامات ہیں۔

اگر ذہنی طور پر مایوسی کے احساس کے ساتھ ساتھ تھکاوٹ کا سامنا کئی ہفتوں تک ہو تو ڈاکٹر سے رجوع کرنا چاہیے۔

امراض قلب

اگر روز مرہ کے عام کاموں کو کرنے کے دوران تھکاوٹ کا سامنا ہو تو یہ امراض قلب کی نشانی بھی ہوسکتی ہے۔

یہ بھی پڑھیں: آپ کا بچہ کب تھکاوٹ کا شکار ہوتا ہے؟ ماؤں کےلئے اہم خبر

اگر ایسے کام کرنے میں مشکل محسوس ہو جو پہلے بہت آسانی سے کرلیتے تھے تو ڈاکٹر سے رجوع کرنا چاہیے۔

کھانے کی الرجی

اگر کسی مخصوص غذا کو کھانے کے بعد تھکاوٹ اور غنودگی کا احساس ہو تو ہوسکتا ہے کہ آپ کو اس غذا سے الرجی ہو۔

یہ الرجی اتنی زیادہ نہیں ہوتی کہ خارش ہو بس تھکاوٹ کا احساس طاری رہتا ہے۔

یہ بھی پڑھیں: تھکاوٹ پر کیسے قابو پایا جاسکتا ہے؟