دنیا بھر میں موجود تقریباً تمام ہی قدرتی غذائیں کسی ایک حفاظتی تہہ میں ڈھکی ہوئی ہوتی ہیں جنہیں چھلکا کہا جاتا ہے اور یہ بات جان کر آپ کو حیرت ہوگی یہ چھلکے بھی بے حد صحت بخش ہوتے ہیں بلکہ بعض پھلوں اور سبزیوں کے چھلکوں میں پھل اور سبزی کی  نسبت زیادہ غذائیت موجود ہوتی ہے۔

تاہم اکثرپھلوں اور سبزیوں کو چھلینے کا مقصد ان پر حشرات کش اسپرے کی اثرات کو دور کرنا ہوتا ہے لیکن ان کا چھلکا اتارنے کا مطلب غذائیت سے بھرپور حصے کو ضائع کرنا ہے۔

مثال کے طور پر چھلکے سمیت ایک سیب میں 332 فیصد زیادہ وٹامن کے، 142 فیصد زیادہ وٹامن اے، 115 فیصد زیادہ وٹامن سی، 20 فیصد زیادہ کیلشیم اور چھلے ہوئے سیب کی نسبت 19 فیصد زیادہ پوٹاشیم ہوتا ہے۔

اسی طرح چھلکے سمیت ابلے ہوئے آلو میں 175 فیصد زیادہ وٹامن سی، 115 فیصد زیادہ پوٹاشیم، 111 فیصد زیا فولیٹ اور بغیر چھلے ہوئے کی نسبت 110 فیصد زیادہ میگنیشیم اور فاسفورس ہوتا ہے۔

سبزیوں کے چھلکوں میں بھی کافی زیادہ فائبر اور اینٹی آکسیڈیٹس پائے جاتے ہیں مثال کے طور پر سبزی میں موجود فائبر کا 31  فیصد ان کے چھلکوں میں پایا جاتا ہے اسی طرح پھلوں میں بھی اینٹی آکڈینٹس کی مقدار بغیر چھلے پھل کی نسبت 328 گنا زیادہ ہوسکتی ہے۔

یہاں پر ان پھلوں اور سبزیوں کا ذکر کیا جارہا ہے جنہیں چھیل کر کھانے سے گریز کرنا چاہئے۔

پھل

چیری، انگور، آڑو، ناشپاتی، آلوبخارہ، سیب، خوبانی، کیوی تاہم نارنگی، لائم اور لیموں کے چھلکوں کو مختلف غذاؤں اور مشروبات میں ذائقہ بڑھانے کے لیے استعمال کئے جاتے ہیں۔

سبزیاں

آلو، ٹماٹر، کھیرا، بیگن، کدو اور زوکنی کو بغیر چھیلے استعمال کرنا زیادہ مفید ہے۔ جبکہ ان پھلوں اورسبزیوں کو ہمیشہ چھیل کر استعمال کریں جیسے انناس، ایوکاڈو، لہسن اور پیاز۔