جسمانی وزن کو کم کرنے کیلئے اکثر لوگ ڈائٹنگ کرتے ہیں لیکن کیا آپ کو معلوم ہے کہ آپ اس کے بغیر بھی اپنا وزن کم کر سکتے ہیں؟

آج ہم آپ کو ایسے آسان ترین طریقے بتائیں گے جن سے آپ باآسانی اپنا وزن کم کر لیں گے اور کسی طرح کی ڈائٹنگ کی ضرورت بھی نہیں پڑے گی۔

اس کے لئےآپ یہ طریقے کار استعمال کریں۔

1 ۔  آرام سے کھائیں:

 نوالہ اچھی طرح چبانا شروع کریں، یہ جسمانی وزن میں کمی یا موٹاپے سے نجات کے لیے چند بہترین عادات میں سے ایک ہے۔

2۔ بھرپور نیند:

ہر رات ایک گھنٹہ اضافی نیند ایک سال میں جسمانی وزن میں 4 کلو تک کمی لانے میں مدد دے سکتی ہے۔

3 ۔ پھل اور سبزی کا استعمال:

پھلوں اور سبزیوں کا زیادہ استعمال جسمانی وزن میں کمی کا ایک بہترین ذریعہ ہے، ان دونوں میں فائبر اور پانی کی زیادہ مقدار پیٹ کو کم کیلوریز میں بھرنے میں مدد دیتی ہے۔

4۔ یخنی:

دن میں ایک بار یخنی پینا مجموعی کیلوریز کی تعداد میں کمی لانے میں مدد دیتا ہے۔

5۔ میٹھے مشروبات:

سوڈا یا دیگر میٹھے مشروبات کی جگہ پانی یا زیرو کیلوریز مشروبات کو دے دیں جس سے جسم 10 چائے کے چمچ چینی کو ہضم کرنے سے بچ جائے گا۔

6۔ سبز چائے:

سبز چائے پینے کی عادت بھی ممکنہ طور پر جسمانی وزن میں کمی کے لیے فائدہ مند ثابت ہوسکتی ہے۔

7۔ گھر کا کھانا:

گھر کے بنی غذاﺅں کا ہفتے میں کم از کم 5 بار استعمال بھی جسمانی وزن میں کمی میں مدد دیتا ہے۔

8۔ اعتدال میں کھانا:

دبلے پتلے یا جسمانی وزن میں کمی لانے میں کامیاب افراد اعتدال میں رہ کر کھانے کے عادی ہوتے ہیں۔