سرد موسم میں ہارٹ اٹیک کا خطرہ کیوں بڑھ جاتا ہے؟ اہم وجہ جانیے

ویب ڈیسک

09th Jan, 2023. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرد موسم میں ہارٹ اٹیک کا خطرہ کیوں بڑھ جاتا ہے؟ اہم وجہ جانیے

ماہرین کا کہنا ہے کہ موسم سرما میں شریانوں کے سکڑنے سے خون کی روانی میں رکاوٹ پیدا ہوتی ہے جس کی وجہ سے ہارٹ اٹیک کا خطرہ بڑھ جاتا ہے۔

حال ہی میں طبی ماہرین نے موسم سرما میں دل کی مختلف بیماریوں کے حوالے سے خبردار کرتے ہوئے کہا کہ سردیوں میں ہارٹ اٹیک، دل کی دھڑکن کا بند ہونا اور اریتھیمیا کی بیماریاں عام ہوجاتی ہیں۔

ماہرین کا کہنا ہے کہ موسم سرما میں شریانوں کے سکڑنے سے خون کی روانی میں رکاوٹ پیدا ہوتی ہے جس کی وجہ سے دل پر دباؤ بڑھتا ہے اور ہارٹ اٹیک کی کیفیت پیدا ہوتی ہے۔

دل کے امراض میں مبتلا افراد کیا کریں؟

عمومی طور پر سردیوں میں ہر کسی کی جسمانی سرگرمی کم ہوجاتی ہیں، جو کہ غلط ہے، خاص طور پر دل کے مریضوں کو سردیوں میں متحرک رہنا چاہیے۔

یہ بھی پڑھیں؛ موسم سرما کے جسم پرحیرت انگیز اثرات، جان کر آپ حیران رہ جائیں گے

اگر آپ روزانہ تیس سے چالیس منٹ چہل قدمی کرتے ہیں تو اس سے آپ کے دل کی صحت بہتر ہوگی اور دل کے دورے کا خطرہ کم ہوگا۔

دل کےامراض میں مبتلا افراد سردیوں میں اپنے جسم کے درجہ حرارت کو برقرار رکھیں جبکہ بلڈپریشر کے مریض تبماکو نوشی، ٹھنڈے پانی یادیگر مشروبات سے پرہیز کریں۔

اس کے علاوہ ٹھنڈے پانی سے نہانے، پنکھے میں جانے سے گریز کریں، کھانے میں مرغن خوراک کا استعمال کم سے کم کریں جبکہ سبزی ، پھل اور ناشتے میں جوس کے استعمال کو یقینی بنائیں۔