جسمانی صحت اسی وقت برقرار رہ سکتی ہے جب دماغ صحت مند اور توانا ہو۔ ان دونوں کو صحت مند رکھنے کے لیے متوازن غذا کے ساتھ جسمانی سرگرمی نہایت ضروری ہے۔

یوں تو ساری ہی ورزشیں دماغ کے لیے مفید تصور کی جاتی ہیں تاہم ان میں چند ایسی ہیں جو بہترین ہونے کے ساتھ کار آمد بھی ہیں۔ یہاں ان ہی ورزشوں کے بارے بتایا جارہا ہے جو دماغی صحت میں اہم کردار ادا کرسکتی ہیں۔

ڈانسنگ

مختلف مطالعوں کے نتیجے میں یہ بات سامنے آئی ہےکہ ڈانس کرنے سے ڈینشیا کا خطرہ کم ہوتاہے۔

سائیکلنگ

تحقیق کے مطابق 50 برس یا اس سے زائد عمر کے افراد میں کسی پرفضا مقام پرسائیکل چلانا نہ صرف دماغی صحت کو بہتر بناتا ہے بلکہ ذہنی امراض کے نتیجے میں ہونے والی دماغی کمزوری کو کم کرنے میں بھی مدد ملتی ہے۔

تیز چہل قدمی

چہل قدمی سے صحت کے بہت سے فوائد حاصل ہوتے ہیں لیکن تیز چلنا دماغ کے لیے اور بھی حیرت انگیز ہے۔ حالیہ تحقیق میں بتایا گیا ہے کہ ایک دن میں 4000 سے زیادہ قدم چلنے سے بڑی عمر کے افراد کی یادداشت پر مثبت اثرات مرتب ہوتے ہیں۔ پیدل چلنا نہایت آسان ہے اور اس کے لیے کسی مشین یا کسی جم کی ممبر شپ کی ضرورت بھی نہیں ہے۔

تائی چی

یہ قدم زمانے کی ایک ورزش ہے جس میں توازن، سانس اور جسم کی ہم آہنگی، اور مختلف قسم کی حرکات کا امتزاج  شامل ہے۔ مطالعات سے پتہ چلتا ہے کہ یہ قدیم مراقبہ کی ایک مشق ہے جوعلمی نشوونما اور یادداشت کے ساتھ ساتھ موڈ ریگولیشن اور تناؤ میں کمی کو فروغ دے سکتی ہے۔