گہری اور پر سکون نیند صحت مند زندگی کو برقرار رکھنے کی ضامن ہے۔ اگر نیند میں کسی بھی وجہ سے خلل پیدا ہونے لگے تو یہ مجموعی صحت پر منفی اثر ڈالتی ہے، اور یہ خلل نیند میں خراٹے لینے کی وجہ سے ہو تو یہ اور بھی زیادہ خطرے کی بات ہے۔

ایسے افراد جو رات میں کئی بار جاگتے ہیں تو نیند کی کمی ان میں کئی بیماریوں کو جنم دیتی ہیں جن میں ڈپریشن دل کی بیماریاں سر فہرست ہیں اور ساتھ خراٹے بھی کئی بیماریوں کی جانب اشارہ کرتے ہیں جو جسم میں پنپ رہیں ہوتی ہیں۔

ڈاکٹر حضرات کے مطابق خراٹے کی بنیادی وجہ سانس کی نالی تک ہوا کا گزر نہ ہونا ہے اس کی ایک وجہ تو گہری نیند ہے جس میں جسم کی پٹھے اتنے آرام دہ حالت میں ہوتے ہیں اور میں زبان بھی سلپ ہو کر نرخرے سے ٹکرانے لگتی ہے جس سے شور پیدا ہوتا ہے یہی شور خراٹے کہلاتے ہیں۔

یہاں دو ایسی بیماریوں کا بھی ذکر کیا جارہا ہے جو خراٹے کا سبب بنتی ہیں ان میں ایک سلپ ایپنیا اور دوسری دل کی بیماری۔

سلپ ایپنیا

 اس مرض میں نیند کی حالت میں اچانک سانس رک جاتا ہے اور پھر آنے لگتا ہے جس کی وجہ سے دماغ میں آکسیجن کی کمی ہونے لگتی ہے خراٹے بھی ہواکے سانس کی نالی سے گزرنے میں رکاوٹ کی وجہ سے جنم لیتے ہیں اور سلپ ایپنیا بھی سانس میں رکاوٹ ہو نے لگتی ہے اس لئے یہ قیاس کیا جاسکتا ہے کہ خراٹے اس بیماری سے آگاہ کرنے ایک ذریعہ بھی ہو سکتا ہے ۔

امراض قلب

دوسری بیماری جس کا ذکر یہاں کرنا بے حد ضروری ہے وہ عارضہ قلب ہے ڈکٹرز کے مطابق خراٹے ہارٹ اٹیک کی جانب ایک اشارہ بھی ہو سکتا ہے جسے نظر انداز نہیں کیا جاسکتا، لیکن ضروری نہیں کہ ایک کے ساتھ ایسا ہی ہو ۔ اس کی وجہ یہ ہے کہ جسم کے تمام افعال کی انجام دہی کے لئے آکسیجن درکار ہو تی ہے اور خراٹوں کی صورت میں جسم میں آکسیجن کی کمی واقع ہو جاتی ہے اور یہ کمی دل کی بیماری سمیت کئی طرح کے عار ضے کی وجہ بن سکتی ہے۔

خراٹوں کے علاج کے لئے سب سے پہلے اپنے معالج سے رابطہ کریں تاکہ اس کی وجہ معلوم کی جاسکے ۔ اس علاوہ خراٹوں سے نجات کے لئے رات کا کھانا سونے سے تین گھنٹے قبل لیں ،سیدھا سونے کے بجائے کروٹ سے سونے کو اپنی عادت بنائیں، ناک بند ہوتو اس کے لئے بھاپ لیں، ناک کی صفای کا خیال رکھیں، سگریٹ اور دوسرے نشہ سے گریز کریں،  وزن میں کمی لائیں، ذہنی پریشانیوں سے دور رہیں، سونے سے قبل گہری سانس کی مشق کریں۔