گاجر موسم سرما کی تمام سبزیوں میں سب سے صحت بخش سبزی تصور کی جاتی ہیں اور اپنے صحت بخش اجزاء کی بنا پر سپر فوڈ میں شامل ہیں۔

 گاجرکے فائدے ان گنت ہیں یہ ہر قسم کے اینٹی آکسیڈینٹ سے بھر پور ہو نے کی بنا پرآپ کو وٹامن کی وافر مقدار فراہم کرتی ہیں۔ آنکھوں کی صحت کے لئے بہترین ہیں کیونہ اس میں بیٹاکیروٹین پایاجاتا ہے جبکہ یہ ایک یہ کم کیلوری والی غذا ہے۔

گاجرکی سب سے خاص بات یہ ہے کہ ہے کہ اسے کچا اور پکا کر دونوں طرح سے جبکہ حیرت انگیزطور پر اسے میٹھے اور نمکین پکوان کے لیے بہترین تصور کیا جاتا ہے۔ جبکہ یہ سلاد کا سب سے اہم جز ہے۔

 گاجر کا ذائقہ میٹھا اور یہ بہت ہی رسیلی ہوتی ہیں۔ گاجرصحت کے لیے بے حد افادیت رکھتی ہیں یہی وجہ ہے کہ اسے روزانہ غذا میں شامل رکھنا چاہئے یہ کس طرح آپ کو صحت مند رکھتی جانتے ہیں۔

گاجر کے فوائد:

 ہڈیوں کی صحت

گاجر میں وٹامن سی جیسے اہم غذائی جز کی قلیل مقدار ہوتی ہے یعنی ایک کپ گاجر میں 5 ملی گرام وٹامن سی اور کیلشیم موجود ہوتا ہے یہ دونوں ہی ہڈیوں کی صحت کے لیے ضروری ہیں۔

دماغی صحت

گاجر کے رس کو یاداشت کی کمی کو دور کرنے کے لیے مفید تصور کیا جاتا ہے اس طرح  جڑ والی سبزیوں جیسے گاجر کا مستقل استعمال درمیانی عمر کے افراد میں یاداشت کی بہتری کا باعث بنتا ہے۔

امراض قلب

زیادہ گہرے رنگ کی سبزیوں اور پھلوں کا استعمال جیسے گاجر کورونری دل کی بیماری کا خطرے کو کم کرنے میں معاون ثابت ہوتا ہے۔ گاجر کا باقاعدگی سے استعمال اس بیماری کے خطرے کو 32 فیصد تک کم کردیتا ہے۔

بصارت کو بہتر بنائیں

گاجرمیں بیٹا کیروٹین کی کثیر مقدار پائی جاتی ہے جو بہتر بصارت کے لیے انتہائی مفید ہے بیٹا کیروٹین جسم میں جاکر وٹامن اے میں بدل جاتا ہے اسی لیے گاجر اس اہم وٹامن کی کمی سے ہونے والے بینائی کے مسائل کو دور کرنے میں معاون ثابت ہوتی ہے۔ گاجر میکولر انحطاط اور موتیا  کو روکنے میں مدد دیتی ہے۔

کولیسٹرول کو کم کرتی ہے

گاجرحل پذیر فائبر سے بھرپور ہوتی ہے فائبرجسم میں جاکر ایک جیل کی صورت اختیار لیتا ہے اس طرح جسم میں موجود کولیسٹرول اس سے چپک کر جسم سے باہر خارج ہوجاتا ہے۔ اسی طرح کولیسٹرول توازن میں رہتا ہے۔

جگر کی حفاظت

گاجر کا رس  جگر کو ماحولیاتی کیمیکلز کے زہریلے اثرات سے بچانے میں مدد دے سکتا ہے۔

منہ کی صحت

گاجر تھوک کی پیداوار کو بڑھا کر آپ کے دانت صاف کرنے میں بھی مدد کر سکتی ہے۔ کھانے کے اختتام پر گاجر کا استعمال آپ کے کیویٹیز کے خطرے کو کم کرنے میں مددگار ثابت ہوتا ہے۔

ذیابیطس سے بچاؤ

گاجر میں بیٹا کیروٹین نامی ایک اینٹی آکسیڈنٹ موجود ہوتا ہے جو ذیابیطس کے خطرے کو کم کرنے میں مددفراہم کرتا ہے۔

کینسرسے تحفظ

گاجر میں بائیو فلاوونائڈز اور الفا کیروٹین ہوتے ہیں جو کینسر کے خطرات بالخصوص پھیپھڑوں کے کینسر کو کم کرنے میں مفید ثابت ہوتے ہیں۔

 جلد کی صحت

گاجر بیٹا کیروٹین سے بھرپور ہوتی ہے۔ جسم بیٹا کیروٹین کو وٹامن اے میں تبدیل کرتا ہے، جو خلیوں کو پہنچنے والے نقصان اور قبل از وقت بڑھاپے کو روکنے میں مدد فراہم کرتا ہے۔ بیٹا کیروٹین آپ کی جلد کو سورج کی مضرشعاعوں سے بھی بچاتا ہے۔