دنیا کی بڑی آبادی نیند کی کمی کا شکار ہے جس کے لیے وہ کئی طرح کی ادویات کا استعمال بھی کرتی ہیں تاہم ان چند آسان سی باتوں پر عمل کر کے آپ صرف دومنٹ میں سو سکتے ہیں۔

نیند کی کمی سے صحت متاثر ہوتی ہے جبکہ ڈپریشن، ذہنی تناؤ یا دائمی درد آپ کی نیند کے معیار کو متاثر کر سکتا ہے۔ فوری نیند لینے کے لیے ان 4 باتوں پر عمل کریں۔

کمرے کے درجہ حرارت اورروشنی کا خیال رکھیں۔

میڈیکل سکول کے ماہرین کے مطابق فوری نیند لانے کے لیے کمرے کا درجہ حرارت 15 سے 35 ڈگری سنٹی گریڈ کے درمیان ہونا چاہئے جبکہ کمرے میں سوتے وقت مکمل اندھیرا ہونا چاہئے۔ بہت کم یا زیادہ دجہ حرارت اور تیز روشنی نیند کے معیار کو متاثر کرتی ہے اس طرح فوری نیند لینے میں دشواری کا سبب بنتی ہے۔

 گھڑی یا فون کو دیکھنے سے گریز کریں

جب آپ سونے کی کوشش کرتے ہیں، تو گھڑی کو لگاتار دیکھنا اچھا خیال نہیں ہے۔ رات کو اکثر اوقات موبائل چیک کرنا آپ کے آرام کا وقت برباد کر سکتا ہے، آپ کے تناؤ کی سطح کو بڑھا سکتا ہے۔ جب آپ سونے کی کوشش کریں ان دونوں کاموں سے دور رہیں تاکہ پرسکون نیند لے سکیں۔

ہلکے رنگ کے ڈھیلے کپڑے پہنیں

سوتے وقت ڈھیلے اور سوتی کپڑے پہنیں تاکہ جسم کا درجہ حرارت اعتدال میں رہے اس طرح فوری نیند لانے میں مدد ملتی ہے۔

کتاب پڑھیں

جب آپ بسترپر سونے کے لیے جاتے ہیں تویہ نہیں سو چیں کہ نیند نہیں آرہی اس طرح سونا مشکل ہوجاے گا۔ ایک تحقیق کے مطابق اگر آپ کو نیند نہیں آرہی ہوتو کوئی کتاب پڑھ لیں یہ عمل فوری نیند لانے میں مددگار ثابت ہوگا۔