آج ہم آپکو بتائیں گے کہ بچے کو مستقل پیمپر پہنانے سے کون سی بیماری ہوسکتی ہے۔

والدین کے طور پر آپ کو اپنے چھوٹے بچے کی صحت اور تندرستی سے زیادہ کوئی چیز فکر مند نہیں کرسکتی۔

 آپ کوئی ایسی غلطی نہیں کرنا چاہیں گے جو آپ کے بچے کے لیے نقصان دہ ثابت ہو، ایسی ہی ایک غلطی انہیں دن بھر ڈائپر پہنانا ہے، اگر آپ بھی انہیں دن بھر ڈائپر پہنائے رکھتی ہیں تو آپ کو یہ مضمون پڑھنا بہت ضروری ہے۔

ہر وقت ڈائپر پہنائے رکھنے کے نقصانات

آئیے آپ کو بتاتے ہیں کہ ماہرِ اطفال بچوں کو مستقل طور پر ڈائپر پہنائے رکھنے کے بارے میں کیا کہتے ہیں۔

الرجک رد عمل

کچھ ڈائپر مینوفیکچرنگ کمپنیاں اکثر ڈائپر بنانے میں مصنوعی ریشوں، رنگوں یا دیگر سخت کیمیائی مصنوعات کا استعمال کرتی ہیں۔

یہ بھی پڑھیں: دوران حمل پیچیدگیوں کا سبب بننے والی اس سبزی کو کھانے سے گریز کریں

 یہ تمام سخت کیمیکلز آپ کے بچے کی حساس جلد کو نقصان پہنچا سکتے ہیں اور الرجی کا سبب بن سکتے ہیں۔

جلد پر خارش

بچوں میں ڈائیپر ریشز بہت عام ہیں اگر گیلے ڈائپر کو معمول سے زیادہ دیر پہنا ہوا چھوڑ دیا جائے تو اس میں بیکٹیریا کی افزائش ہو سکتی ہے اور دانے پڑ سکتے ہیں تاہم  اس سے بچنے کے لیے ڈائپر باقاعدگی سے تبدیل کریں۔

زہریلے جراثیم

ڈائپر کیمیکلز اور مصنوعی مواد سے بنائے جاتے ہیں، جسکو زیادہ وقت پہنائے رکھنے سے بچے کو نقصان پہنچ سکتا ہے، رات بھر ایک ہی ڈائپر کی وجہ سے جراثیم بچے کے نظام میں بھی داخل ہو سکتے ہیں جو کہ زہریلے ہو سکتے ہیں۔

انفیکشن کے زیادہ امکانات

ڈائپر ایسے مواد سے بنائے جاتے ہیں جو آپ کے بچے کے پیشاب کو جذب کرنے کی صلاحیت رکھتا ہے۔

 یہی مادہ آپ کے بچے کے ڈائپر کے اندر ہوا کے آسان بہاؤ میں رکاوٹ بن سکتا ہے اور بیکٹیریا اور دیگر جراثیم کی افزائش کے لیے موزوں حالت پیدا کر سکتا ہے۔

یہ بھی پڑھیں: صحت مند رہنے کے لیے ان 6 سبزیوں کو کچا کھانے سے گریز کریں 

ڈائپر کا زیادہ استعمال آپ کے بچے کو جِلد اور دیگر انفیکشنز کا شکار بناتا ہے۔