کیلشیم سے بھرپور، پروٹین اور پروبائیوٹک سے لیس ’دہی‘ دودھ سے بنے والی ایک بہترین اور دنیا بھر میں سب سے زیادہ استعمال ہونے والی مقبول ترین غذاﺅں میں سے ایک ہے۔

دہی کو میٹھی یا نمکین لسی کی شکل میں بھی استعمال کیا جاتا ہے جو کہ بہت مقبول، صحت مند اور جسم ٹھنڈا کرنے والا مشروب ہے۔

کیا موسم سرما میں دہی کھانا چاہیے؟

اکثر بڑے بوڑھے کہتے ہیں کہ سردیوں کے موسم میں دہی کھانا چھوڑ دینا چاہیے، کیوں کہ اس کی وجہ سے گلا خراب ہوسکتا ہے۔

بہت سے ہربل ڈاکٹرز کا اس حوالے سے کہنا ہے کہ سردیوں میں دہی کھانے سے پرہیز کرنا چاہیے۔

اس کی وجہ یہ بتاتے ہیں کہ اس سے بلغم اور نزلے میں اضافہ ہوتا ہے، اور وہ لوگ جو پہلے سے کھانسی، نزلہ یا بخار جیسی بیماریوں میں مبتلا ہیں، ان کے لیے اس موسم میں خاص کر رات کے وقت دہی کھانا ٹھیک نہیں ہوتا۔

یہ بھی پڑھیں: دہی کا استعمال خواتین کی صحت کے لئے مفید کیوں؟

سائنس کی اس حوالے سے مختلف سوچ ہے، اس کے مطابق دہی انسانی جسم میں قوت مدافعت کے لیے کافی بہترین غذا ہے۔

اس میں وٹامن بی 12 کی مقدار بھی کافی زیادہ ہے، اور سردیوں میں دہی کھانا صحت کو بہتر رکھ سکتا ہے۔

سردی میں دہی کھانے کا درست وقت؟

سائنسی ماہرین کا کہنا ہےکہ دہی کو سردیوں میں شام 5 بجے کے بعد کھانا نہیں چاہیے، کیوں کہ اس سے نزلہ ہوسکتا ہے۔