موسم سرما اپنے ساتھ کئی سوغاتیں لے کر آتا ہے جواس موسم کی بیماریوں سے بچانے کے ساتھ آپ کو صحت وغذائیت بھی فراہم کرتی ہیں، ان ہی میں مونگ پھلی بھی شامل ہے۔

مونگ پھلی میں ایسے صحت بخش اجزاء پائے ہیں جو اسے سپرفوڈ کا درجہ دیتے ہیں اس میں اعلیٰ قسم کے پروٹین کی کثیر مقدار موجود ہوتی ہیں، ساتھ ہی یہ صحت مند چکنائی، فائبر، وٹامنز اور معدنیات کے حصول ایک بڑا اور مؤثرذریعہ تصور کیا جاتا ہے۔

مونگ پھلی کو غذا میں شامل رکھنے سے کولیسٹرول کو کم کرنے میں مدد ملتی ہے اس طرح امراض قلب کا خطرہ بھی کم ہوجاتا ہے۔

یہ سوزش کو کم کرنے، ہاضمہ کی صحت کو فروغ دینے، اور توانائی حاصل کرنے کا ایک اچھا ذریعہ ہے۔ مونگ پھلی اینٹی آکسیڈنٹس سے بھی بھرپور ہوتی ہے، جو جسم کو فری ریڈیکلز سے ہونے والے نقصان سے بچانے میں مدد فراہم کرتی ہے۔ تاہم یہ محض جسمانی صحت کو ہی بہتر نہیں بناتی بلکہ یہ آپ کے چہرے کی جلد کو بھی کئی طرح سے بہتر بناکر خوبصورتی کو بڑھاتی ہے۔ یہاں ایسے ہی 10 فوائد پیش کئے جارہے ہیں۔

 اینٹی ایجنگ

مونگ پھلی میں کئی طرح کے اینٹی آکسیڈنٹس موجود ہوتے ہیں جو عمر رسیدگی کے اثرات جیسے جھریاں اور دھبوں کو دور کرنے میں مدد فراہم کرتے ہیں۔

 جلد کو نمی بخشتی ہے

مونگ پھلی میں ضروری فیٹی ایسڈز کی کثیر مقدار موجود ہوتی ہے، جو جلد کو ہائیڈریٹ رکھنے اور اس کی قدرتی نمی کو برقرار رکھنے میں مدد کرتے ہیں۔

 مہاسوں سے نجات

مونگ پھلی میں موجود وٹامنز، معدنیات اور اینٹی آکسیڈنٹس مہاسے پیدا کرنے والے بیکٹیریا سے لڑنے اور سوزش کو کم کرنے میں معاون ثابت ہوتے ہیں۔

 سورج کی مضر شعاعوں سے تحفظ

مونگ پھلی میں پایا جانے والا وٹامن ای جو کہ ایک طاقتور اینٹی آکسیڈنٹ ہے یہ جلد کو سورج کی مضر شعاعوں  کے نقصان دہ اثرات سے بچانے میں مدد کرتا ہے۔

 کولیجن کی پیداوار کو متحرک کرتی ہے

مونگ پھلی میں زنک کی مقدار زیادہ ہوتی ہے، جو کولیجن کی پیداوار کو بڑھانے میں مدد کرتی ہے اس طرح جلد کو ہموار اورجوان نظر آتی ہے۔

 جلد کو نکھارتی ہے

مونگ پھلی وٹامن سی کا ایک بڑا ذریعہ ہے، جو جلد کو چمکدار بنانے اور رنگت نکھارنے میں مدد دیتا ہے۔

 جلد کی صحت کو بڑھاتی ہے

مونگ پھلی اہم غذائی اجزاء سے بھرپور ہوتی ہے جو جلد کو ٹھیک کرنے اور سوجن کو کم کرنے میں مدد دیتی ہے۔

سیاہ حلقوں سے نجات

مونگ پھلی میں موجود وٹامن کے اور فیٹی ایسڈز کی زیادہ مقدار سیاہ حلقوں کی ظاہری شکل کو کم کرنے میں مدد کرتی ہے۔

فری ریڈیکل سے تحفظ

مونگ پھلی اینٹی آکسیڈنٹس سے بھری ہوتی ہے جو آزاد ریڈیکلز اور ماحولیاتی نقصان سے لڑنے میں مدد دیتی ہے۔

جلد کو نرم وملائم بناتی ہے

مونگ پھلی کا تیل ایک بہترین قدرتی موئسچرائزر ہے جو جلد کو نرم اور ہمواربنانے میں مدد کرتا ہے۔