تیز پتہ عام طور پر کھانوں میں استعمال ہوتا ہے لیکن اکثر لوگوں کو اس کے دیگر فوائد کا علم نہیں ہوتا۔

آج ہم آپ کو تیز پات کے جادوئی فوائد بتائیں گے جن سے آپ کی کئی مشکلات آسان ہوسکتی ہیں۔

تیز پات میں وٹامن اے، وٹامن سی، وٹامن بی 6، کیلشیم، آئرن اور میگنیز کے علاوہ کاپر، رائبوفلیون، زنک اور میگنیشیم بھی موجود ہوتا ہے۔

تیز کھانسی کا دورہ

موسم سرما کے آتے ہی اکثر لوگوں کو تیز کھانسی شروع ہو جاتی ہے، ایسی صورت میں اگر آپ تیز پات کا چھوٹا سا ٹکڑا چبا کر کھاتے ہیں تو کھانسی سے نجات مل جائے گی۔

تیز پتہ جلا کر کمرے میں رکھ دیں

اکثر لوگ گھر میں مچھروں کی وجہ سے پریشان رہتے ہیں تو ایسے افراد اگر گھر میں تیز پتہ جلا کر کمرے میں رکھ دیں تو مچھر بھاگ جائیں گے۔

یہ بھی پڑھیں؛ جانئے تیز پات کس طرح موسم سرما میں آپ کوجوڑوں کے درد سے نجات دے سکتے ہیں

 جوڑوں کے درد کا تیل

موسم سرما نزلہ کھانسی جیسی بیماریوں کے ساتھ کچھ لوگوں کیلئے جوڑوں کے درد جیسے مسائل بھی لے آتا ہے۔

اس مقصد کے لئے تیز پات کو زیتون کے تیل میں شامل کر کے تیل تیار کیا جاتا ہے جو جوڑوں کے درد سے آرام دیتا ہے،اسے تیار کرنے کے جو اجزاء چاہئیں وہ یہ ہیں ۔

اجزاء:

تیزپات تیس گرام

ایکسٹرا ورجن زیتون کا تیل ایک کپ

ترکیب:

ان پتوں کو گرائینڈر میں اچھی طرح پیس لیں ۔ اب ان پسے ہوئے پتوں کو زیتون کے تیل میں شامل کر کے کسی بوتل میں ڈال کر اسے دو ہفتے کے لئے کسی اندھیری اور ٹھنڈی جگہ پر رکھ دیں۔

 بوتل کو دن میں ایک بار ضرور ہلائیں تا کہ اجزاء اچھی طرح مکس ہو سکیں۔ اب اسے مزید دو ہفتے کے لئے خشک اور ٹھنڈی جگہ پر رکھ دیں۔

 دو ہفتوں کے بعد اسے کسی کپڑے سے چھان کر اس تیل کو بوتل میں محفوظ کر لیں اور درد کی جگہ پرلگائیں اور ہلکے ہاتھ سے مساج کریں۔ یہ تیل جوڑوں کے درد کے لئے بہترین ہے ۔