چند ایسی قدرتی چیزیں جو بغیر دوا کے سر درد سے نجات دلائیں

ویب ڈیسک

24th Jan, 2023. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چند ایسی قدرتی چیزیں جو بغیر دوا کے سر درد سے نجات دلائیں

آج ہم آپ کو چند ایسی قدرتی چیزوں کے بارے میں بتا رہے ہیں جو بغیر دوا کے سر درد سے نجات دلائیں۔

دلچسپ بات یہ ہے کہ ان قدرتی چیزوں کے استعمال سے ناصرف سر کا درد بلکہ لاعلاج مائیگرین میں بھی افاقہ ممکن ہے۔

ادرک کی چائے

ادرک کھانا ہضم کرنے میں اور چربی پگھلانے میں تو مددگار ہے ہی لیکن اگر سر درد میں ادرک کے چھوٹے سے ٹکڑے کا قہوہ بنا کر پی لیا جائے تو درد میں بھی کمی آجاتی ہے اور ساتھ اگر متلی کی کیفیت ہو تو اس سے بھی نجات مل جاتی ہے۔

کینو

آج کل کینو کا موسم ہے، کینو گلے کے امراض کے ساتھ سر کے درد میں بھی مفید ہے۔ صرف آدھا گلاس کینو کا جوس پینا آپ کو اس تکلیف سے نجات دے گا کیوں کہ کینو میں میگنیشم موجود ہوتا ہے جو سر درد کی روک تھام کرتا ہے۔

پودینے کی چائے

اگر سر میں اتنی شدت سے درد ہو کہ سوئیاں چبھتی محسوس ہورہی ہوں تو چند پتیاں پودینے کی پانی مٰں ڈال کر ابالیں اور تھوڑی دیر پکا کر پی جائیں۔

یہ بھی پڑھیں: ایسی غذائیں جو سر درد کا باعث بنتی ہیں

اس کی خوشبو اور تاثیر سے دماغ اور اعصاب کو سکون ملے گا اور درد میں واضح کمی محسوس ہوگی۔

جسم میں پانی کی کمی بھی سر درد کی وجہ بنتی ہے اس لئے پانی کا زیادہ سے زیادہ استعمال کریں۔