دنیا بھرمیں مختلف ثقافتوں کے اندر ناک اور کان چھدوانا حسن کو بڑھانے ایک طریقہ سمجھا جاتا ہے یہی وجہ ہے کہ خواتین بڑی خوشی کے ساتھ اس عمل کو انجام دیتی دکھائی دیتی ہیں یہ چہرے کے خدوخال کو اور زیادہ نمایاں کر کے ان کی خوبصورتی کو مزید بڑھاتا ہے۔

تاہم ناک چھدوانے کے لیے ہمیشہ کسی ماہر کی خدمات حاصل کرنی چاہئے کیونکہ اگر یہ درست جگہ اور صحیح طریقے سے نہ چھیدا جائے تو کئی طرح کے انفیکش کا خطرہ بڑھنے لگتا ہے۔ تاہم ان باتوں پر عمل کر کے آپ ہر طرح کے انفیکشن سے محفوظ رہ سکتے ہیں۔

ناک یا کان چھیدنے پرحد درجہ انہیں چھونے سے گریز کریں اور چھونا ضروری بھی ہوتو ہاتھوں کو اچھی طرح صاف کرکے چھوئیں۔ غیر ضروری طور پر چھونا سوجن یا جلن کا باعث بن سکتا ہے۔ اس کے لیے اسے کھلا رکھیں اور تازہ ہوا لگنے دیں۔

انہیں گیلا کرنے سے گریز کریں اور پانی لگ بھی جائے تو کسی نرم اور دھلے ہوئےکپڑے سے صاف کریں تاکہ جراثیم سے بچایا جاسکے۔

جس جگہ چھدوایا گیا ہے اس جانب سونے سے گریز کریں تاکہ نیند میں رگڑ لگنے کی وجہ زخم خراب بھی ہوسکتا ہے۔

کوشش کریں لوشن اور شیمپو کے استعمال میں احتیاط سے کام لیں اور اس بات کو یقینی بنائیں کی یہ سوراخ کسی بھی ذاتی حفظان صحت یا بیوٹی پروڈکٹس کے ساتھ رابطے میں نہ آئے۔ ان میں ایسے اجزاء ہوتے ہیں جو زخم میں جلن پیدا کر سکتے ہیں اور شفا یابی کے عمل میں تاخیر کر سکتے ہیں۔