دنیا بھر میں اب خواتین اور مرد حضرات چہرے کی جلد کی حفاظت کے لیے ایسی مصنوعات کا استعمال کرتے ہیں جن میں مختلف اقسام کے پھولوں، درختوں سے کشید کئے گئے کیمیکلز موجود ہوتے ہیں ان ہیں میں سیلیسیلک ایسڈ بھی شامل ہے۔

سیلیسیلک ایسڈ کیا ہے؟

سیلیسیلک ایسڈ ایک بیٹا ہائیڈروکسی ایسڈ  ہے جسے عام طور پر بی ایچ اے کہاجاتا ہے یہ ولو یا بید کے درخت کی چھال سے نکالاجاتا ہے۔ یہ ایک اینٹی سوزش اور ٹاپیکل اینٹی بیکٹیریل ایجنٹ کے طورجانا جاتا ہے جو جلد کو صاف، ایکنی، بلیک ہیڈز اور وائٹ ہیڈز کو دور کرنے کے لیے استعمال کیا جاتا ہے۔

بی ایچ اے ہونے کا مطلب یہ ہے کہ یہ سیلیسیلک ایسڈ تیل میں آسانی سے حل ہوسکتا ہے اور یہی خوبی اسے جلد کی اندرونی سطح تک جذب ہونے کی اجازت دیتی ہے۔ اس طرح یہ جلد کے خلیوں میں داخل ہوکراندر سے صفائی کو یقینی بناتا ہے۔

کیل مہاسوں کی ایک وجہ یہ ہے کہ جلد کے خلیے گرد اور چکنائی جمع ہونے کی وجہ سے بند ہوجاتے ہیں جو جلد پر بلیک اور وائٹ ہیڈز کی صورت میں سامنے آتے ہیں۔

ٹاپیکل سیلیسیلک ایسڈ مہاسوں کی سوزش اور سوجن کو کم کرکے اور جلد کے مسامات کو تیزی سے کم کرنے مں مدد فراہم کرتا ہے یہ خشک، کھردری، یا موٹی جلد کو نرم اورہموار بنانے میں اپنی مثال نہیں رکھتا۔

استعمال کرنے کا طریقہ

سیلیسیلک ایسڈ کو ہمیشہ پروڈکٹ کی ہدایات کے مطابق استعمال کریں۔

سیلیسیلک ایسڈ پر مبنی کسی بھی نئی پروڈکٹ کا استعمال کرتے وقت پروڈکٹ کی تجویز کردہ مقدار کی آدھی استعمل کریں جب یہ جلد سے مانوس ہوجائے تو پھر اس کی درست مقدار استعمال کریں۔

ممکنہ ضمنی اثرات

اگر آپ کی جلد بہت زیادہ حساس ہے یا آپ سیلیسیلک ایسڈ کا زیادہ استعمال کر رہے ہیں توآپ کی جلد یہ ہلکے مضر اثرات پیدا ہوسکتے ہیں۔ ان مین ہلکی سی جلن، سرخی یا جلد کی خشکی امل ہے۔