مشغلہ ایک ایسی سرگرمی ہے جسے لوگ اپنے فرصت کے اوقات میں انجام دیتے ہیں جیسے کسی کو کتابیں پڑھنے کا شوق ہوتا ہے تو کسی کو باغبانی کا غرض ہر مشغلہ آپ کو مصروف رکھنے کے ساتھ آپ کی خوشی اور صحت مندی کا باعث بھی بنتا ہے۔

بہت سی تحقیق کے نتیجے میں یہ بات سامنے آئی ہے کہ ایسے افراد جو کسی مشغلے کو اپناتے ہیں وہ ذہنی تناؤ سے محفوظ رہتے ہیں ان کا مزاج بہتر رہتا ہے اوروہ ڈپریشن سے بچے رہتے ہیں۔ اس کی وجہ ہے یہ کہ مشغلہ انہیں فارغ وقت میں بھی مصروف رکھتا ہے اور اس طرح وہ ذہنی تناؤ اور الجھنوں سے دوررہتے ہیں جبکہ بعض مشغلے ایسے ہوتے ہیں جن کے لیے گھر سے باہر جانے کی ضرورت ہوتی اس طرح وہ کھلی فضا میں سکون محسوس کرتے ہیں ساتھ ہی ہم مشغلہ افراد کے ساتھ رابطے میں رہتے ہیں اس طرح سماجی تنہائی سے بھی بچے رہتے ہیں جو ڈپریشن کی ایک اہم وجہ ہے۔

آپ اپنے شوق کو مد نظر رکھتے ہوئے جو کام بھی کرتے ہیں اور اس کے لیے وقت نکالتے تویہ آپ کی جسمانی اور ذہنی صحت کو بڑھانے میں معاوں ثابت ہوتا ہے یہ آپ کی فکری اور تخلیقی صلاحیتوں کو اجاگر کرتا ہے۔

تحقیق سے یہ بات بھی سامنے آئی ہے کہ جب آپ ایسی سرگرمیاں کرنے کے لیے وقت نکالتے ہیں جو آپ کو خوش کرتی ہیں، تو اس سے دماغی صحت کو بہتر بنانے میں مدد ملتی ہے۔ ان سرگرمیوں کو معیاری وقت دینا جن سے آپ لطف اندوز ہوتے ہیں آپ کی پیشہ ورانہ زندگی میں بھی آپ کی کارکردگی میں مدد ملتی ہے۔ یہ آپ کے مسئلہ حل کرنے کی صلاحیتوں کو بہتر بناتی ہیں اور آپ کو اپنے ساتھی کارکنوں کے ساتھ بہتر تعلقات استوار کرنے میں مدد دیتی ہے اور آپ میں ہمدردی کا جذبہ پیدا کرتی ہے۔

جو لوگ اپنے مشاغل کے لیے باقاعدگی سے وقت نکالتے ہیں ان میں احساس کمتری یا افسردگی کا امکان کم ہوتا ہے۔ درحقیقت، ایسی سرگرمیاں آپ کو زیادہ خوش اور پر سکون بنا سکتی ہیں۔ ساتھ ہی ہم خیال لوگوں کو تلاش کرنا جو وہی سرگرمیاں کرنے سے لطف اندوز ہوتے ہیں جس سے آپ کو مزید فوائد مل سکتے ہیں۔

 تحقیق سے پتہ چلتا ہے کہ گروپوں میں سرگرمیاں کرنا جیسے ٹیم کے کھیل یا کسی ایسے مقصد کے لیے رضاکارانہ کام کرنا جس کی آپ کو فکر ہے آپ کی مواصلات کی مہارت کو بڑھانے اور دوسروں کے ساتھ صحت مند تعلقات استوار کرنے میں مدد فراہم کرتا ہے۔