اگر آپ کا شمار ان افراد میں ہوتا ہے جنہیں وقت بہت تیزی سے گزرنے کا احساس ہوتا ہے تو آپ کیلئے یہ آرٹیکل بہت کارآمد ثابت ہوگا۔

کیونکہ آج ہم آپ کو بتائیں گے کہ وقت بہت تیزی سے گزرنے کا احساس کیوں ہوتا ہے؟ اور اس کی کیا وجوہات ہو سکتی ہیں۔

حال ہی میں کی گئی ایک تحقیق سے یہ بات سامنے آئی ہے کہ جیسے جیسے ہماری عمر بڑھتی ہے تو ہمارے دماغ کی اندرونی گھڑی کی رفتار سست ہوجاتی ہے، جس کے نتیجے میں زندگی تیزرفتار محسوس ہونے لگتی ہے۔

یہ بھی پڑھیں: سورج کی روشنی میں وقت گزارنا تھکاوٹ کا باعث بنتا ہے، تحقیق

ایک تحقیق میں دریافت کیا گیا کہ کسی منفرد سرگرمی کے نتیجے میں دماغ سے خارج ہونے والے ہارمون ڈوپامائن کے اخراج کی شرح میں 20 سال کی عمر کے بعد کمی آنے لگتی ہے، جس کے باعث ہمیں محسوس ہوتا ہے کہ وقت بہت تیزرفتاری سے گزر رہا ہے۔

اس کے علاوہ چند دیگر وجوہات بھی ہیں جو ہم آپ کو بتائیں گے۔

معمولات زندگی کے اثرات

جب ہماری عمر بڑھتی ہے تو زندگی کے معمولات بھی یکساں ہونے لگتے ہیں اور کچھ نیا سیکھنے کی کوشش نہیں کرتے۔

اس کے مقابلے میں بچپن اور نوجوانی میں ہم بہت کچھ پہلی بار کرتے ہیں، تو جب زندگی کے شروع میں ہم نئی چیزوں کا حصہ بنتے ہیں تو وقت سست روی سے گزرتا ہوا محسوس ہوتا ہے مگر جب ہماری زندگی ایک جگہ ٹھہر جاتی ہے اور لگے بندھے معمولات پر مشتمل ہوتی ہے تو وقت بہت تیزی سے گزرتا ہوا محسوس ہوتا ہے۔

یہ بھی پڑھیں:دن بھر بیٹھنے کے باوجود بیشتر افراد کو تھکاوٹ کا سامنا کیوں ہوتا ہے؟ نئی تحقیق سامنے آگئی

 خوشی اور وقت گزرنے کا احساس

ایک تحقیق کے مطابق ہمارا دماغ وقت گزرنے کے احساس کو مختلف رفتار سے پیش کرتا ہے اور اس کا انحصار ہماری مصروفیت یا بیزاری پر ہوتا ہے۔

اکثر ایسا ہوتا ہے کہ جب ہم بہت خوش ہوں اور کسی من پسند سرگرمی کا حصہ بن جائیں تو ایسا محسوس ہوتا ہے کہ وقت پر لگا کر گزر رہا ہے۔

اس کے برعکس جب بیزار یا اداس ہوتے ہیں تو وقت کاٹنا مشکل ہوجاتا ہے۔