ماہرین کا کہنا ہے کہ شیریں مشروبات کے استعمال سے گنج پن کا خطرہ بڑھ جاتا ہے۔

حال ہی میں کی گئی ایک تحقیق سے یہ بات سامنے آئی ہے کہ جوس، سافٹ ڈرنکس، انرجی ڈرنکس اور دیگر شیریں مشروبات سے گنج پن کا خطرہ بڑھ جاتا ہے۔

 تحقیق میں 1951 افراد کو شامل کیا گیا تھا جن کی عمریں 18 سے 45 سال تھیں، تمام افراد سے آن لائن فارم بھرنے کو کہا گیا جن میں میٹھے مشروبات کے استعمال اور گنج پن کے متعلق پوچھا گیا تھا۔

سروے کے نتائج سے معلوم ہوا کہ جو افراد کئی سال سے زیادہ میٹھے مشروبات کا استعمال کر رہے تھے ان کے بال باریک تھے اور تیزی سے گر رہے تھے۔

یہ بھی پڑھیں: شادی کے بعد اکثر مرد گنجے کیوں ہو جاتے ہیں؟ جانیے

اس کے علاوہ میٹھے مشروبات صرف بالوں کیلئے ہی نقصان دہ نہیں ہوتے بلکہ ان کے استعمال سے ذیابیطس، امراضِ قلب اور بلڈ پریشر کا خطرہ بھی بڑھ جاتا ہے۔

گنج پن اور بالوں کو جھڑنے سے روکنے کا آسان طریقہ جانیے

 آج ہم آپکو گنج پن اور بالوں کو جھڑنے سے روکنے کا آسان طریقہ بتائیں گے۔

بالوں کا گرنا کس شخص کو پسند ہوسکتا ہے خاص طور پر مردوں کو، جن میں گنج پن کا خطرہ خواتین کے مقابلے میں کچھ زیادہ ہوتا ہے۔

اگر آپ کو بالوں کے گرنے کا سامنا ہے تو بہتر تو یہ ہے کہ کسی ڈاکٹر سے رجوع کر کے اس کی جڑ تلاش کریں۔

بالوں کے جھڑنے کی وجہ:

بالوں کے گرنے کی سب سے بڑی وجہ موروثی ہے، اس کے ساتھ کھانے کی ناقص عادات، ضرورت سے زیادہ تناؤ، بعض بیماریاں، ہارمونل عدم توازن اور منشیات کے سائڈ ایفیکتس بھی بالوں کے گرنے کا سبب بنتے ہیں۔

ٹرانسپلانٹ کے کچھ خطرات:

ٹرانسپلانٹ کے دوران اور بعد میں درد ہونا عام بات ہے، اگر آپ کو ناقابل برداشت درد ہو تو اس کے بارے میں ڈاکٹر کو ضرور بتائیں۔

جس جگہ سے بال ہٹائے جاتے ہیں وہ 3-18 ہفتوں تک بے حس رہ سکتا ہے، اگر اس سے زیادہ ہوتا ہے تو فوری طور پر ڈاکٹرسے ملیں۔

ٹرانسپلانٹ کے دوران خون بہہ سکتا ہے کچھ لوگ جلدی ٹھیک ہو جاتے ہیں اور کچھ آہستہ، چہرے اور سر کی سوجن عام ہے۔

ٹرانسپلانٹ کے بعد سر میں کھجلی کی شکایت ہو سکتی ہے، کچھ لوگوں کو شیمپو سے آرام ملتا ہے تو کچھ کے لیے یہ مسئلہ سنگین ہو جاتا ہے۔

یہ بھی پڑھیں: کونسی غذا کا استعمال نہ کرنا مردوں کو گنج پن کا شکار بناتا ہے؟

ٹرانسپلانٹ کے بعد ایک ہفتہ تک خاص خیال رکھیں تاکہ انفیکشن نہ ہو۔

اسے گرد و غبار، گندگی اور آلودگی سے سر کو بچانا ہے،  ٹوپی، ہیلمٹ اور وگ پہننا ضروری ہے۔ بالوں کو دھونے کا طریقہ صرف ڈاکٹر بتاتا ہے۔ کچھ لوشن اور اینٹی بائیوٹکس بھی تجویز کی جاتی ہیں۔ لوشن کو متاثرہ جگہ پر لگانا چاہیے۔ ہیئر ٹرانسپلانٹ صرف کسی ماہرسے ہی کروائیں ورنہ لینے کے دینے پڑ سکتے ہیں۔

بالوں کا گرنا اور گنج پن روکنے کے کچھ گھریلو طریقے:

بالوں کے جھڑنے اور گنج پن سے آجکل صرف خواتین ہی نہیں بلکہ مرد حضرات بھی پریشان ہیں اور مختلف ٹوٹکے سب ہی کرتے رہتے ہیں۔

آج ہم آپ کو بتاتے ہیں کہ کیسے آپ گنج پن اور بال جھڑنے جیسے مسائل میں پیاز کے تیل کو بنا کر لگائیں کہ آپ جلد ہی بالوں کو چمکدار اور خوبصورت بنا سکیں۔

پیاز کو چھیل کر اس کے چھوٹے ٹکڑے کاٹ لیں، ایک بوتل میں کوئی بھی تیل ڈالیں اور ان پیاز کے ٹکڑوں کو ڈال کر سات دن کے لئے بند کردیں۔

بوتل کو استعمال سے پہلے اچھی طرح ہلائیں، سر میں جڑوں میں اچھی طرح مالش کرلیں اور دو گھنٹے بعد کسی اچھے شیمپو سے سر دھو لیں۔

یہ بھی پڑھیں: سائنسدانوں کا گنج پن سے متعلق دلچسپ انکشاف

ہفتے میں ایک بار اسی تیل میں دہی ڈال کر مکس کریں اور بالوں کی جڑوں میں لگا کر چھوڑ دیں اور بعد میں شیمپو سے سر دھو لیں۔

اس تیل کو کانوں کے پیچھے والے بالوں کی جڑوں میں بھی لگائیں اور پھر بال دھو لیں۔

یہ تیل ان طریقوں سے استعمال کرنے پر آپ کے بالوں کو نہ صرف بڑھائے گا بلکہ گنج پن کی شکایت کو دور کرنے میں مددگار ثابت ہوگا۔