پھل، سبزیوں، اناج اورخشک میوہ جات کی طرح مختلف اقسام کے بیج بھی صحت بخش اجزاء سے بھرپر ہوتے ہیں ان ہی میں تخم بالنگا بھی شامل ہیں۔

تخم ملنگا کی سب اچھی بات یہ ہے کہ یہ غذائیت سے بھرپور ہونے کے ساتھ جسم کے لیے انتہائی صحت بخش ہوتے ہیں۔ یہ ڈیری اشیاء سے لے کر مشروبات تک تقریباً ہر چیز میں استعمال ہوسکتا ہے۔

یہاں پر تخم بالنگا کو غذا میں شامل رکھنے کے چند فائدے پیش کئے جارہے ہیں۔

کم کیلوریزمگر غذائی اجزاء سے بھرپور

تخم بالنگا کے بیج کیلوریز میں کم ہونے کے ساتھ نہایت طاقتور غذائی اجزاء لیے ہوتے ہیں اس میں فائبر، پروٹین فیٹی ایسڈ اور مائیکرو نیوٹرینٹس کثیر تعداد میں پائے جاتے ہیں۔

صرف 28 گرام یا 1 اونس تخم بالنگا کے بیجوں میں فائبر 11 گرام، پروٹین 4 گرام، چربی 9 گرام ،کیلشیم 18 فیصد، میگنیز 30 فیصد، میگنیشیم کا 30 فیصد، فاسفورس 27 فیصد موجود ہوتا ہے۔

اس کے علاوہ اس میں وٹامن نیاسین بی 3 ، زنک، وٹامن بی 1  پوٹاشیم اور وٹامن بی 2 بھی پایا جاتا ہے۔ جہاں تک بات کیلوریز کی ہے تو اس میں صرف 137 کیلوریز اور ایک گرام حل پذیرکاربوہائیڈریٹ موجود ہوتا ہے۔

 ہاضمہ اور ڈیٹوکس

فائبر سے بھرپورغذا قبض کو دور کرنے اور صحت مند ہاضمے میں معاون ثابت ہوتی ہے۔ اس طرح زہریلے مادوں کے روزانہ اخراج کے لیے آنتوں کی حرکت کو یقینی بناتے ہیں۔

 دل کے امراض سے تحفظ

ان بیجوں میں سالمن کے مقابلے میں 8 گنا زیادہ اومیگا 3 ہوتا ہے۔ اومیگا 3 دل کی بیماری کے خطرے کو کم کرنے میں معاون ثابت ہوتا ہے۔

 وزن میں کمی

فائبر کی مقدار زیادہ ہونے کی وجہ سے یہ دیر سے ہضم ہوتا ہے اس طرح پیٹ بھرا رہتا ہے جبکہ  اومیگا تھری فیٹی ایسڈ اور الفا لینولک ایسڈ کی اعلیٰ سطح وزن کم کرنے کے لیے مدددیتی ہے۔

مضبوط ہڈیاں

تخم بالنگا کا صرف ایک اونس روزانہ تجویز کردہ کیلشیم کا 18 فیصد فراہم کرتا ہے۔ کیلشیم ہڈیوں کی صحت کے لیے ضروری ہے اس کے علاوہ، اس میں بوران ہوتا ہے جو ہڈیوں کی صحت کے لیے ایک اور اہم غذائیت ہے۔ بوران پٹھوں اور ہڈیوں کی صحت مند نشوونما کے لیے میگنیشیم، کیلشیم، فاسفورس اور میگنیز کو میٹابولائز کرنے میں مدد کرتا ہے۔