امریکا: مایوسی اور ڈپریشن یوں تو کسی بھی عمر میں صحت کو متاثر کر سکتی ہے تاہم نوجوانی میں یہ عمل امرض قلب کے خطرے کو کئی گنا بڑھا دیتا ہے یہ بات ایک نئی تحقیق کے نتیجے میں سامنے آئی ہے۔

حال ہی میں کی جانے ایک نئی تحقیق کے مطابق، نوجوان بالغ جو مایوس یا افسردہ محسوس کرتے ہیں ان میں دل کی صحت خراب ہونے لگتی ہے اوراس طرح امرض قلب کا خطرہ کئی گنا بڑھ  جاتا ہے۔

محققین نے افسردگی اور عارضہ قلب کے درمیان تعلق جاننے کے لیے  18 سے 49 سال کی عمر کے ڈیڑھ ملین سے زیادہ لوگوں کے ڈیٹا کا تجزیہ کیا۔ جو نتائج  سامنے آئے ہیں ان کے مطابق امرض قلب اور نوجوان خصوصاً درمیانی عمرکے بالغوں میں ڈپریشن کے درمیان تعلق پایا گیا۔ یعنی یہ مرض ابتدائی جوانی میں شروع ہو سکتاہے۔

جرنل آف امریکن ہارٹ ایسوسی ایشن میں ہونے والی اس تحقیق سے یہ بات بھی سامنے آئی کہ ایسے  نوجوان بالغ افراد نے جس وقت خود کو افسردہ یا دماغی صحت میں کسی قسم کی خرابی کو محسوس کیا ان ہی دنوں میں دل کے دورے، فالج اور دل کی بیماری کے خطرے کے عوامل کی شرح  ان کے ساتھیوں کے نسبت بہت زیادہ تھی جو ذہنی طور پر صحت مند تھے۔

گریما شرما جوکہ جانز ہاپکنز میڈیسن میں میڈیسن کی ایسوسی ایٹ پروفیسراور مطالعہ کے سینئر مصنف ہیں کا کہنا ہے کہ جب آپ تناؤ، فکر مند، یا افسردہ ہوتے ہیں، تو آپ خود کو مغلوب اور کم حیثیت محسوس کر سکتے ہیں اس طرح آپ کے دل کی دھڑکن اور بلڈ پریشر بڑھ جاتا ہے۔  جبکہ عام طور پردیکھا گیا ہے کہ احساس کمتری کی وجہ سے طرززندگی میں غیر صحت مند عادات جیسے سگریٹ نوشی، الکحل پینا، کم سونا، اور جسمانی طور پر متحرک نہ ہونا شامل ہونے لگتی ہیں۔ یہ وہ تمام منفی حالات  اور عادات ہیں جو آپ کے دل پر منفی اثر ڈالتی ہیں اس طرح امراض قلب کا خطرہ بڑھ جاتا ہے۔

جبکہ خطرے کے دیگرعوامل میں ہائی بلڈ پریشر، ہائی کولیسٹرول، زیادہ وزن یا موٹاپا، سگریٹ نوشی، ذیابیطس، کم  جسمانی سرگرمی اور غیر صحت بخش غذا شامل ہیں۔

جن لوگوں میں ان میں سے دو یا دو سے زیادہ خطرے والے عوامل تھے انہیں قلبی صحت کے حوالے سے صحت مند تصور کیا گیا۔

تحقیق سے یہ بات بھی سامنے آئی کہ ایسے افراد جنہوں نے کئی دنوں تک خود کو احساس کمتری میں مبتلا محسوس کیا ان میں دل  کی بیماری کا خطرہ زیادہ موجود تھا بہ نسبت ان لوگوں کے جو ذہنی طور پر اتنے بیمار نہیں تھے۔

ڈپریشن اور دل کی بیماری کے درمیان تعلق دو طرفہ ہے۔ ڈپریشن آپ کے دل کے مسائل کے خطرے کو بڑھاتا ہے، اور دل کی بیماری والے افراد کو ڈپریشن کا سامنا کرنا پڑتا ہے۔

محققین کا کہنا ہے کہ ہمارا مطالعہ بتاتا ہے کہ ہمیں نوجوان بالغوں میں دماغی صحت کو ترجیحی بنیادوں پر بہتر بنانے کی ضرورت ہے۔