سرطان یا کینسر کا شمار دنیا میں سب سے زیادہ پائے جانے والے امراض میں ہوتا ہے۔
سائنسدانوں نے جسم کے اندر کینسر کے پھیلنے کی بنیادی وجہ نے دریافت کرلی ہے۔
ایک حالیہ تحقیق میں ماہرین نے ڈی این اے کے ایسے حصوں کی نشاندہی کی ہے جو کینسر کو پھیلنے میں مدد فراہم کرتے ہیں۔
تحقیق کے مطانق ڈی این اے کے یہ ننھے حصے رسولی کو ادویات کے خلاف مزاحمت کرنے میں بھی مدد فراہم کرتے ہیں۔
ان حصوں کو “ایکسٹرا کروموسومل” ڈی این اے کا نام دیا گیا ہے۔
محققین کا کہنا ہے کہ ڈی این اے کے ان حصوں کی دریافت اہم ترین پیش رفت ہے اور ہمارا ماننا ہے کہ یہی حصے کینسر کی سنگین شدت کا باعث بنتے ہیں، اگر ہم ان کی سرگرمیوں کو بلاک کر دیں تو بیماری کو پھیلنے سے روکنا بھی ممکن ہو جائے گا۔
یہ بھی پڑھیں: آج کل بیشتر افراد کی وہ پسندیدہ غذا جو کینسر کا شکار بنا دے
انہوں نے کہا کہ ہم نے دریافت کیا کہ ای سی ڈی این اے کینسر کا باعث بننے والے جینز کا کام کرتے ہیں جو کسی فرد کے کروموسوم سے خود کو الگ کر لیتے ہیں اور تباہی پھیلانے لگتے ہیں۔
تحقیق میں دریافت کیا گیا کہ ای سی ڈی این اے کے باعث رسولیوں کا پھیلاؤ غیر متوقع تیزی سے ہونے لگتا ہے یا بیماری ادویات کے خلاف مزاحمت کرنے لگتی ہے۔
محققین نے بتایا کہ ادویات کے خلاف بیماری کی مزاحمت کے باعث کینسر کو ایک بار پھر سر اٹھانے کا موقع ملتا ہے، مسئلے کی وجہ معلوم ہونے کے بعد ایسا طریقہ کار تلاش کرنا آسان ہو جائے گا جس سے مریضوں میں ای سی ڈی این اے کو ختم کیا جا سکے۔
یہ بھی پڑھیں: کینسر سے بچنا اب نہایت آسان
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News