خوبصورت نظر آنا ہر ایک کا بینادی حق ہے اور حسن پر کسی اجارہ داری نہیں ہے۔ ہرانسان ہی حسین پیدا ہوا ہے تاہم ہر ایک کی یہی خواہش ہوتی ہے کہ وہ مزید خوبصورت نظر آئے۔ اس مقصد کے لیے کئی طرح کی مصنوعات استعمال کی جاتی جو جلد کو جواں رکھنے کے ساتھ اس کی دلکشی میں اضافے کا باعث بھی بنتی ہے انہی میں گلوس بھی شامل ہے۔

گلوس ایک ایسی لائٹ لپ سٹک ہے جو ہونٹوں پرانتہائی ہلکی محسوس ہوتی ہے اور جلد کو یکساں رنگ دیتی ہے۔ بھاری لپ اسٹک کے برعکس یہ جلد کے اوپر ایک ہلکی سی تہہ بناتی ہے اور ایک خوبصورت ٹون فراہم کرتی ہے۔

یوں توبازار میں کئی  طرح کےگلوس دستیاب ہیں جو مہنگے ہونے کے ساتھ کیمیکل سے بھرپور ہوتے ہیں۔ اسی لیے یہاں پر گھریلواشیاء سے گلوس بنانے کا آسان طریقہ پیش کیا جارہا ہے جو آپ کے ہونٹوں کے ساتھ رخساروں کو ایک نیا قدرتی رنگ دے گی۔

اس گلوس کو بنانے کے لیے 8 چمچ چقندر کا رس اور1/2 چمچ ایلوویرا جیل درکار ہے۔

ایک پین میں چقندر کا رس لے کر اسے دھیمی آنچ پر اتنا گرم کریں کہ یہ آدھا رہ جائے اب ٹھنڈا ہونے پر اس میں آدھا چمچ ایلوویرا جیل شامل کر کے اچھی طرح مکس کریں اور کسی جاریا ڈراپرمیں ڈال کر محفوظ کر لیں، جب ضرورت ہو تو اسے چہرے اور ہونٹوں پر لگائیں اور قدرتی گلابی رنگت پائیں۔