بادام اپنے صحت مند غذائی اجزاء کی وجہ سے تمام ہی خشک میوہ جات کی فہرست میں سب سے صحت بخش میوہ تسلیم کیا جاتا ہے۔ یہی وجہ ہے کہ اسے سپر فوڈ میں شامل کیا گیا ہے۔

تاہم ایک نئی تحقیق کے مطابق بادام کے چند ایسے حیرت انگیز فائدے سامنے آئیں ہیں جو اس سے پہلے معلوم نہیں تھے وہ کیا جانتے ہیں۔

بادام آپ کی دن بھر میں کیلوریز کی مقدار کو کم کر سکتا ہے یہی وجہ ہے کہ اسے ایک توانائی سے بھرپور کاربوہئیڈریٹ کے متبادل کے طور پر استعمال کیا جاسکتا ہے۔ اس طرح اس کی قلیل مقدار بھی آپ کو توانا رکھے گی۔

صحت مند وزن کو منظم رکھے

موٹاپے کی بڑھتی ہوئی شرح کو مد نظر رکھتے ہوئے ضروری ہے کہ صحت بخش غذاؤں کا انتخاب کیا جائے تو ایسی صورت میں بادام سے بہتر کوئی اور غذا نہیں ہوسکتی، بادام میں موجود فائبر اور پروٹین ایسے اجزاء ہیں جو آپ کو سیر ہونے یعنی  پیٹ کو بھرے کا احساس دلاتے ہیں۔ اس طرح آپ اضافی کھانے کی طلب سے بچے رہتے ہیں۔

 جلد کی صحت

بادام میں موجود اومیگا تھری فیٹی ایسڈ، وٹامن ای اور صحت مند چکنائی جلد کی صحت پر مثبت اثرات مرتب کرتی ہیں، ساتھ ہی یہ پوسٹ مینوپاز کی وجہ سے خواتین کی جلد پر نمودار ہونے والی جھریوں اور جھائیوں کو دور کرنے میں بھی اہم کردار ادا کرتی ہے۔

سوزش

دائمی سوزش کے نتیجے میں جسم کے اعضاء متاثر ہونے لگتے ہیں جس سے صحت کے کئی مسائل جنم لینے لگتے ہیں، جبکہ بادام اس سوزش کو کم کرنے میں اہم کردار ادا کرتا ہے تاہم بادام کا کثرت سے استعمال نقصان کا باعث بھی بن سکتا ہے۔

آنتوں کی صحت

ایک نئی تحقیق کے مطابق روازنہ مٹھی بھر بادام کھانا آنتوں کی صحت کو بہتر بناتا ہے۔