آج ہم آپکو بتائیں گے کہ دانت پیسنا بیماری ہے یا ذہنی کیفیت۔

دانت پیسنا ایک لاشعوری اور غیر ارادی عمل ہے جس کے باعث آپ کے دانتوں کی زندگی قبل از وقت ختم ہوسکتی ہے۔

اس عمل کو برکسزم کہا جاتا ہے۔

برکسزم کے مسئلے میں مریض کئی بار سوتے جاگتے وقت دانت پیسنا شروع کردیتا ہے یہ مسئلہ بچوں اور بڑوں میں یکساں دیکھا گیا ہے۔

اس کا سب سے زیادہ نقصان بھی دانتوں کو ہوتا ہے کیونکہ اس عمل کے نتیجے میں دانتوں کی اوپری تہہ خراب ہوجاتی ہے۔

یہ بھی پڑھیں: کیا آپ کے سر میں بھی اکثر درد رہتا ہے تو ان ایسنشیئل آئل سے فوری چھٹکارہ پائیں

دانت پیسنے کی کئی وجوہات ہوسکتی ہیں جس میں جسمانی اور ذہنی خرابی بھی شامل ہیں۔

طبی ماہرین کے مطابق بزکسزم کی دو اقسام ہیں۔

اویکن برکسزم اور سلیپ برکسزم۔

اویکن برکسزم

اس کیفیت میں انسان جاگنے کی حالت میں دانت پیسنے لگتا ہے عام طور پر اس کے لئے دماغی عوارض ، دباؤ، ذہنی یا جذباتی مسائل اور غصہ وغیرہ کو ذمے دار سمجھا جاتا ہے۔

سلیپ برکسزم

یہ قسم بچوں میں زیادہ پائی جاتی ہے۔

درحقیقت اس قسم کی پریشانی کا شکار کو یہ بھی معلوم نہیں ہوتا کہ وہ سوتے ہوئے یہ عمل کر رہا ہے یاجاگتے ہوئے۔

سلیپ بزکسزم کو نیند کی خرابی سمجھا جاتا ہے یہ عام طور پر بالغوں میں دیکھا جاتا ہے۔

وجوہات

طبی ماہرین برکسزم کو ڈس آرڈر، اضطراب کی خرابی، دائمی یا شدید صدمہ، نیند کی کمی، مرگی اور ڈیمنشیا وغیرہ۔

حد سے زیادہ سگریٹ نوشی اور کیفین کا استعمال بھی اس مرض کی ممکنہ وجہ ہوسکتے ہیں۔

یہ بھی پڑھیں: کیا آپ بھی بیٹھے بیٹھے سوجاتے ہیں؟ تو اس عام عادت کے نقصان بھی جان لیں

ناموافق طرز زندگی بھی بزکسزم کی وجوہات میں شامل ہے جیسے نیند کا مکمل نہ ہونا، سات آٹھ گھنٹے مسلسل لیٹ کر ٹی وی یا موبائل دیکھنا۔

اس کے علاوہ دانتوں کے علاج کا سائیڈ ایفیکٹ بھی اس کے ذمے دار ہوسکتا ہے۔

علاج

طبی ماہرین کے مطابق بزکسزم میں کسی خاص علاج کی ضرورت نہیں ہوتی، طرز زندگی بہتر بنانے اور نیند کو بہتر بنانے سے اس مسئلے کو کافی حد تک کنٹرول کیا جاسکتا ہے تاہم بعض اوقات یہ سنگین بیماری کا بھی شاخسانہ ہے اس لئے طبی مشورہ کرنا بہت ضروری ہے۔

یہ بھی پڑھیں: نیند کے طریقہ کار میں چھوٹی سی تبدیلی آپ کو ڈپریشن سے محفوظ رکھ سکتی ہے