آپ کی مجموعی صحت، ذاتی زندگی اور کیریئرسب اسٹریس کی وجہ سے متاثر ہونے لگتے ہیں اور ان کا متاثر ہونا تناؤ میں مزید اضافے کا سبب بنتا ہے۔

بعض اوقات سب کو ہی تناؤ اور درد سے فوری نجات کی ضرورت ہوتی ہے تاکہ صحت کو بہتر بناکر معمول کے کاموں کو انجام دیا جاسکے۔ روزمرہ کے کئی ایسے مسائل ہیں جن کا حل اکثر آپ کے سامنے ہوتا ہے اور آپ  5 منٹ سے بھی کم وقت میں کسی بھی درد کو ٹھیک کرنے یا تناؤ کو دور کرنے کے لیے اسے آزماسکتے ہیں۔ یہاں پر اسٹریس سے نجات کے لیے ایسے انوکھے طریقے پیش کیے جارہے ہیں۔

 متاثرہ جگہ پر برف کا استعمال کریں

برف کا استعمال آپ کے جسم کے کسی بھی حصے میں ہونے والے درد کے علاج میں مدد کرنے کے لیے سب سے قدیم اور موثر ترین علاج میں سے ایک ہے۔ یہ شدید چوٹوں کے ساتھ ساتھ کسی بھی سوزش اور سوجن سے نمٹنے میں مددگار ثابت ہو سکتا ہے۔ آپ متاثرہ جگہ پر برف یا تو آئس پیک لگاکر درد سے نجات حاصل کر سکتے ہیں۔

تناؤ کی صورت میں بھنوؤں کے درمیانی حصے کا مساج کریں

پریشر پوائنٹس ہر قسم کے درد اور تناؤ سے عارضی سکون حاصل کرنے کا ایک معروف طریقہ ہے اور ان میں سے ایک بھنوؤں کے درمیان ہوتا ہے جسے ہال آف امپریشن پوائنٹ کہا جاتا ہے۔ اس جگہ پر دباؤ ڈالنا یا مساج کرنا آپ کے جسم سے تناؤ اور اضطراب کو دور کرنے میں معاون ثابت پوتا ہے۔

 کان کی مالش

ایک اور پریشرپوائنٹ جو جسم سے تناؤ اور اضطراب کو دور کرنے کے لئے متحرک ہوسکتا ہے وہ آپ کے کان میں واقع ہے جسے آسمانی گیٹ پوائنٹ کے نام سے جانا جاتا ہے، اپنے کان کی مالش کرنے اور اس مقام پر ہلکا دباؤ دینے سے تناؤ سے نمٹنے میں مدد ملتی ہے۔

جئی

جئی ایک انتہائی صحت بخش غذا ہے جسے روز ہی خوراک کا حصہ بنانا چاہیے، لیکن دلیا کے ایک اہم فائدہ جسے لوگوں کی بڑی تعداد واقف نہیں ہے وہ ہیں ذہن کے لیے سکون اور آرام دہ اثرات، دلیا میں میگنیشیم اور پوٹاشیم کی کثیر مقدار پائی جاتی ہے جو بلڈ پریشر کواعتدال میں رکھتی ہے اگر اسے باقاعدگی سے کھایا جائے تو یہ سیروٹونن کی سطح کو بھی بڑھاتا ہے۔ یہ نہ صرف آپ کو آرام دہ حالت میں رکھنے میں مدد کرتا ہے، بلکہ آپ کو طویل مدت تک خوش بھی رکھتا ہے۔

کان کا درد

اگر آپ کان کے درد سے پریشان ہیں اور اس سے فوری نجات چاہتے ہیں؟ تو ادرک کا رس یا تیل استعمال کریں۔ اس کے لیے تیل میں ادرک ڈال کر گرم کریں اور ٹھنڈا ہونے پراس تیل کے قطرے کان کے بیرونی حصے کے ارد گرد لگائیں۔ ادرک میں سوزش کودور کرنے کی خصوصیات موجود ہوتی ہیں جو کان کے درد کو دور کرنے میں مدد دیتی ہیں۔

نارنگی کارس

وٹامن سی انسانی جسم کے لیے بے شمار فوائد رکھتا ہے جن میں سے ایک ذہنی تناؤ سے نجات ہے۔ زیادہ تناؤ کی سطح وٹامن سی کی کمی سے منسلک ہوتی ہے، لہذا اس اہم وٹامن کی روزانہ کی مقدار میں اضافہ کرنے سے تناؤ میں کمی لانے میں مدد مل سکتی ہے۔ ایسا کرنے کا سب سے آسان طریقہ نارنگی کا رس پینا ہے جو آپ کی پریشانی کی سطح کو بھی کم کر سکتا ہے۔

چیونگم

چیونگم کے فوائد سے سب ہی واقف ہیں تاہم یہ تناؤ اور اضطراب کو کم کرنے میں بھی معاون ثابت ہوسکتی ہے۔ ایک تحقیق کے مطابق چیونگم کھانے سے تناؤ کم ہوتا ہے اور چوکسی کی سطح میں اضافہ ہوتا ہے۔

زبان پر نمک رکھیں

اگر آپ پریشانی کو کم کرنے کے لیے کوئی فوری اور آسان طریقہ اپنانا چاہتے ہیں تو زبان پر نمک رکھیں۔ یہ چھوٹی سی ترکیب پریشانی سے آپ کی توجہ ہٹا سکتی ہے اور آپ کے حواس کو مشغول کر کے تناؤ کو کم کر سکتی ہے۔