غذا اگر صحت بخش ہوتو انسان کئی بیماریوں سے بچا رہتا ہے اسی طرح کچھ غذائیں بھی مختلف امراض میں دوا کا کام کرتی ہیں جیسے بلڈ پریشر کو اعتدال میں رکھنے کے لیے چقندر اور انناس کسی مسیحا سے کم نہیں۔

چقندرآئرن اور وٹامنز سے بھرپورایک ایسی صحت بخش سبزی ہے جو آپ کی مجموعی صحت کو بہتر بنانے میں اہم کردار ادا کرتی ہے۔ اس کی سب سے خاص بات یہ ہے کہ یہ سبزی ارزاں قیمت سارا سال آسانی سے دستیاب ہوتی ہے اس میں اینٹی آکسیڈنٹس کی کثیر مقدار پائی جاتی ہے جوخلیوں کو فری ریڈیکلزسے تحفظ فراہم کر کے کئی امراض سے بچاتا ہے۔

اسی طرح قدرت نے انناس کو منفرد ذائقہ کے ساتھ حیرت انگیز خواص سے نوازاہے، اس میں کئی صحت بخش اجزاء جیسے فائبر، فاسفورس، کیلشیم، وٹامن اے، سی اور پوٹاشیم وافر مقدار میں پائے جاتے ہیں جو آپ کو صحت مند اور توانا رکھنے میں اہم کردار ادا کرتے ہیں۔

تاہم جب ان دونوں کے ملایا جاتا ہے تو ان کی افادیت مزید بڑھ جاتی ہے جو بلڈ پریشر کو اعتدال میں رکھنے میں مدد گار ثابت ہوسکتی ہے۔

چقندر میں موجود غذائی نائٹریٹس ہائی بلڈ پریشر کو کم کرنے کے لیے کارآمد ہے یہ خون کی شریانوں کو پھیلانے اور خون کے بہاؤ کو بہتر بنانے میں مدد کرتا ہے۔ اس کے علاوہ یہ پوٹاشیم اور میگنیشیم سے بھرپورہوتا ہے۔

پائن ایپل بیٹ اسموتھی

اجزاء:

1 کپ ونیلا بادام کا دودھ

1½ کپ انناس کے ٹکڑے

½ کپ تازہ نارنگی کا رس

½ کپ ابلا ہوا چقندر

¼ کپ اجوائن کے پتے

ہدایات:

 تمام اجزاء کو بلینڈر میں ڈال کر اچھی طرح بلینڈ کریں۔

 نوٹ: ہائی بلڈ پریشر کے مریض اور حاملہ خواتین اس اسمودی کو استعمال کرنے سے قبل اپنے معالج ضرور رابطہ کریں۔