لونگ کا استعمال صدیوں سے ہوتا چلا آرہا ہے، کھانوں کے علاوہ اس کا استعمال ادویات سازی میں بھی کیا جاتا ہے۔

طبی ماہرین لونگ کے مختلف فوائد بیان کرتے ہیں جیسے دانت کے درد میں لونگ کا استعمال مفید، جسم کا درد ختم کرنے کیلئے، بلغم کا مکمل خاتمہ، پیٹ کی بیماریاں، قبض کی شکایت سمیت نظام ہضم کی شکایت میں انتہائی مفید قرار دیا جاتا ہے۔

لیکن کیا آپ جانتے ہیں کہ روزانہ 2 لونگ کھانے سے کیا فائدہ ہوتا ہے؟ اگر نہیں تو آئیے ہم آپکو بتاتے ہیں۔

روزانہ 2 لونگ کھانے سے نہ صرف آپ معدے کی تیزابیت، جلن اور ہاضمے کے مسائل کو کنٹرول کرسکتے ہیں بلکہ اندرونی صحت کو بڑھانے میں بھی مدد ملتی ہے۔

لونگ کو گرم پانی میں رات بھر بھگو کر کھانے سے کیا فائدہ ہوتا ہے؟

اکثر لوگوں کو کھانا دیر سے ہضم ہونے کی شکایت رہتی ہے ایسے میں لونگ آپ کے معدے کو طاقت دیتی ہے، کھانا جلد ہضم کرنے میں مدد دیتی ہے ساتھ ہی قبض کی شکایتوں سے بچاتی ہے۔

یہ بھی پڑھیں: کھانے کے بعد لونگ کا ایک ٹکڑا چبانے سے کیا فائدہ ہوگا؟

خواتین کو دورانِ حمل دانتوں کے درد کی شکایت رہتی ہے اور بہت تکلیف دہ ہوتی ہے ایسے میں آپ لونگ کا استعمال کریں یا صرف منہ میں رکھ کر اس کا پانی جذب کریں یہ بہت کارآمد ہے۔

لونگ کا استعمال آپ کے جگر کو صاف کرتا، مضبوط بناتا اور جسم سے زہریلے مادوں کے اخراج میں آسانی پیدا کرتی ہے۔

لونگ اینٹی آکسیڈنٹ ہے اسی وجہ سے مسوڑوں کے انفیکشن، منہ کے چھالوں میں مفید ہے۔

خواتین کو شوگر بڑھنے سے وزن بڑھنے کی شکایت مردوں کے مقابلے زیادہ ہے اور لونگ کو کھانے سے شوگر کنٹرول رہتی ہے۔

یہ بھی پڑھیں: لیموں کو کاٹ کر اس میں لونگ رکھنے سے کیا ہوتا ہے؟

جوڑوں اور گھٹنوں کے درد کے لئے لونگ کھائیں اور اس کا تیل لگا کر گھٹنوں پر مساج کریں۔

 لونگ کو پانی میں بھگو کر رات بھر رکھ دیں اور صبح نہار منہ استعمال کرنے سے نہ صرف معدے کے مسائل ہوتے ہیں بلکہ وہ خواتین جو جلد حاملہ ہونا چاہتی ہیں ان کے لیے یہ سب سے زیادہ مفید ہے۔