بال آپ کی شخصیت کو متاثر کن بنانے میں اہم کردار اداکرتے ہیں تاہم بہت سے عوامل ایسے ہیں جو انہیں بری طرح نقصان پہنچاکر کمزور کر دیتے ہیں جس سے بال گرنے سے لے کر مختلف مسائل جنم لینے لگتے ہیں۔

یوں تو بازار میں ان تمام مسائل کے حل کے لیے مختلف مصنوعات دستیاب ہیں جن میں اکثر ایسے کیمیکلزموجود ہوتے ہیں جو بالوں کے مزید نقصان کا باعث بنتے ہیں۔ یہی وجہ ہے لوگوں کی بڑی تعداد اب ان مسائل کے حل کے لیے گھریلو یعنی قدرتی اجزاء سے تیار ٹوٹکوں سے مدد حاصل کرتی ہے۔ اسی لیے یہاں پر ایک ایسا طاقت ور ٹونراستعمال کیاجارہا ہے جو بالوں کے کئی مسائل کو حل کرنے کی صلاحیت رکھتا ہے۔

یہ ہیئر ٹونر بال خورہ جیسے ایلوپیشیا بھی کہاجاتاہے اس کا علاج کرنے کے ساتھ بالوں کے جھڑنے اور خشکی جیسے مسائل کو دور کے کر بالوں کو گھنا چمکدرابنانے میں مدد فراہم کرے گا۔

اس ہیئرٹونر کوکس طرح تیارکیا جاتا ہے اور اس میں کون کون سے جادوئی اجزاء استعمال کیے گیے ہیں جانتے ہیں۔

اجزاء:

اس ہیئر ٹونر کو بنانے کے لیے جو اجزاء درکار ہیں ان میں دوکھانے کے چمچ میتھی دانہ۔ دس سے بارہ قطرے روز میری ایسینشیل آئل، ایک چائے کا چمچ کیسٹرآئل اورایک چائے کا چمچ ایلوویرا جیل شامل ہیں۔

 ترکیب:

متھی دانہ کو دوگلاس پانی میں اتنا ابالیں پانی آدھارہ جائے، اب اسے ٹھنڈا ہونے کے رکھ دیں، اب ایک پیالی میں روزمیری ایسنشیل، کیسٹرآئل اور ایلوویراجیل ڈال کراچھی طرح مکس کریں، اب اس میں میتھی دانہ کا پانی شامل کریں اور اچھی بلینڈر کریں، لیجئے بہتر ہیئر ٹونر تیار ہے۔

 استعمال:

اس ٹونر کو سر میں لگار کر اچھی مساج کریں اور گھنٹے بعد کسی بھی شیمپو سے بالوں کو دھوکر کنڈیشنر کا استعمال کریں۔

بہتر نتائج کے لیے ہفتے میں تین بار، مہینے بھر تک استعمال کریں اور بالوں کے تمام مسائل سے نجات پائیں۔