مکئی جسے بھٹا بھی کہا جاتا ہے ایک ایسا صحت بخش اجناس ہے جسے کسی بھی طرح سے استعمال کیا جائے یہ آپ کی صحت کو بڑھانے اہم کردار ادا کرتا ہے۔

کارن کے نام سے مشہور یہ اناج دنیا بھرمیں سب سے زیادہ کھائی اور اگائی جانے والی ایک اہم ترین غذا ہے۔ اس کی کئی اقسام ہیں جبکہ یہ مختلف رنگوں میں پیدا ہوتا ہے۔

چونکہ مکئی قدرتی طور پر گلوٹین سے پاک ہوتا ہے، اس لیے اسے گندم کی جگہ استعمال کرنا اچھا انتخاب ہے۔ یہ اہم وٹامنز، معدنیات اور اینٹی آکسیڈنٹس سے بھرپور ہوتا ہے جو آپ کے لیے کئی طرح سے فائدہ مند ثابت ہوتا ہے۔

یہ بھی پڑھیں: باجرہ کے ایسے صحت بخش فائدے جو آپ نہیں جانتے

میٹھا ذائقہ لیے مکئی آنتوں کی صحت کو بہتر بنانے میں معاون ثابت ہوتا ہے ساتھ ہی اس میں موجود صحت بخش اجزاء  کینسر، امراض قلب اور ٹائپ 2 ذیابیطس جیسی بیماریوں میں مبتلا ہونے کے امکانات کو کم کرنے میں مدد کرتے ہیں۔

مکئی میں موجود فائبرسے آپ کا پیٹ دیر تک بھرا رہتا ہے جس سے آپ بے وقت کی بھوک سے بچیں رہتے ہیں۔

یہ ہاضمے کو بہتربنانے اور صحت مند بیکٹیریا کی افزائش کوبڑھاتا ہے، جو بڑی آنت کے کینسر سے بچانے میں مدد کر سکتا ہے۔

مکئی وٹامن سی سے بھرپور ہوتا ہے یہ ایک اینٹی آکسیڈنٹ ہے جو خلیات کوفری ریڈیکلز کے نقصان سے بچانے میں مدد کرتا ہے زرد مکئی کیروٹینائڈز لیوٹین اور زیکسینتھین کے حصول کا مؤثر ذریعہ ہے، جو آنکھوں کی صحت کے لیے مفید تصور کیاجاتا ہے۔ مکئی میں میگنیشیم اور پوٹاشیم جیسے معدنیات کے ساتھ وٹامن بی، ای اور کے کی بھی تھوڑی مقدارموجود ہوتی ہے۔

مکئی کے فوائد جاننے کے بعد اب اس کے مختلف انداز سے استعمال کا بھی جائزہ لیتے ہیں تو اس ضمن میں سب سے پہلے بات کی جائے پاپ کارن کی۔

پاپ کارن

کہیں سفر پر جانا ہویا فلم دیکھنا ہو پاپ کارن کے بغیرکچھ کمی سے محسوس ہوتی ہے  اگرمکئی کو خشک کرلیا جاتا ہے تو اسے مزیدر پاپ کارن بنتے ہیں جو کم کیلوریز مگر فائبر سے ہوتے ہیں وزن کم والے افراد کے لیے یہ کسی نمت سے کم نہیں جبکہ یہ ایک صحت بخش اسنیکس کے طور پر استعمال کئے جاتے ہیں۔

کارن فلور

خشک کارن کو پیس کر اس کا آٹا تیار کیاجاتا ہے جسے کارن فلور کہاجاتا ہے یہ عموماً سوپ کو گاڑھا کرنے کے لیے استعمال کیاجاتا ہے ساتھ ہی بیکری کی مصنوعات میں اس کا کثرت سے استعمال کیاجاتا ہے۔

بے بی کارن

بے بی کارن کو مختلف پکوانوں میں بطور سسبزی کے استعمال کیاجاتا ہے۔ جس سے اس کی غذائیت میں کئی گنا اضافہ ہوجاتا ہے۔ جبکہ کارن سوپ دنیا بھر میں مقبول ترین سوپ ہے۔

کارن آئل

اس سے حاصل کیاجانے والا تیل انتہائی صحت بخش ہوتا ہے جو کئی پکوانوں کی تیاری میں استعمال کیا جاتا ہے۔ وٹامن ای اور دیگر صحت بخش غذائی اجزاء کی بدولت یہ دل کو صحت مند رکھتا ہے۔