آنکھیں کتنی ہی خوبصورت کیوں نہ ہو اگر اس کے ارد گرد کی رنگت گہری ہوجائے تو یہ چہرے کے حسن کوماند کر دیتی ہے۔ دیکھا گیا ہے آنکھوکے پپوٹوں کی رنگت چہرے کی جلد کی نسبت کافی گہری ہوجاتی ہے جس سے چہرہ تھکا ہوا اور مضطرب محسوس ہوتا ہے۔

یہ عموماً نیند کی کمی، جلدی الرجی، حمل، جینیات، ادویات کا استعمال، سورج کی مضر شعاعیں، غیر صحت مند طرز زندگی اور عمر رسیدگی کی وجہ سے جنم لینے لگتے ہیں۔

آنکھوں کے گرد جلد کی رنگت کا گہرا ہونا کوئی خطرے کی بات نہیں ہے لیکن یہ بنیادی صحت کے مسائل کی نشاندہی کر سکتی ہے یہاں تک کہ خود اعتمادی کو کم کرنے کا باعث بن بھی سکتی ہیں۔

اس کے لیے ضروری ہے کہ جلد کو ہائیڈریٹ رکھا جائے ہائیڈریٹ رہنا آپ کی مجموعی صحت اور  جلد کی تندرستی کے لیے انتہائی اہم ہے۔ سوتے وقت سر کو اونچا کرنا بھی مددگار ثابت ہوسکتا ہے۔

جبکہ اس کے لیے کچھ قدرتی علاج بھی اس ضمن میں کار گر ثابت ہوں گے جو یہاں پیش کئے جارہے ہیں۔

ٹماٹر

ٹماٹر ایک مقبول قدرتی علاج ہے اس کا مسلسل استعمال کرنے سیاہ دھبوں کو دور کرنے میں معاون ثابت ہوتا ہے۔اس کی وجہ یہ ہے کہ اس میں جلد کی رنگت نکھارنے میں والے بلیچنگ اجزاء موجود ہوتے ہیں ان سیاہ حلقوں کو کم کرنے کے لیے ٹماٹر اور لیموں کا رس ایک ساتھ استعمال کیا جا سکتا ہے۔ آپ ٹماٹر کا ایک ٹکڑا براہ راست ہر آنکھ پر 10 منٹ کے لیے رکھ سکتے ہیں۔ بہترین نتائج کے لیے ہفتے میں تین باراس عمل کو دہرائیں۔

کھیرا

کھیرے کے ٹکڑے آنکھوں کے گرد گہری رنگت کو صاف کرنے میں اپنی مثال نہیں رکھتےکیونکہ ان میں جلد کو ہلکا کرنے کے ساتھ تیزابی خصوصیات بھی ہوتی ہیں جو آنکھوں کے گرد گہری رنگت کو دور کرنے میں مدد کرتی ہیں۔  ٹماٹر کے ٹکڑوں کی طرح، آپ کھیرے کے ٹکڑوں کو 10 سے 15 منٹ تک اپنی آنکھوں پر رکھ سکتے ہیں۔

 ٹی بیگز

سبز اور کالی چائے میں موجود اینٹی آکسیڈنٹس سوزش اور رنگت کو کم کرنے میں مدد دیتے ہیں۔ دواستعمال شدہ ٹی بیگز کو دو گھنٹے کے لیے فریج میں رکھنے کے بعد انہیں 15 منٹ کے لیے آنکھوں پررکھیں ساتھ ہی پلکوں پر بادام کے تیل کا مساج بھی کریں ۔