دنیا بھر میں ایک ساس جسے کثرت سے استعمال کیاجاتا ہے وہ ہے کیچپ۔ بچے ہو یا بڑے ٹماٹر کی چٹنی جسے کیچپ کہاجاتا ہے بے حد شوق سے کھاتے ہیں اس کی وجہ یہ ہے کہ اس کا منفرد ذائقہ ہر غذا کے ذائقہ کو مزید بڑھا دیتا ہے تاہم ماہرین اسے صحت کے لیے مفید قرار نہیں دیتے۔

میگی ہو یا پیزا سموسہ ہویا پراٹھا غرض کہ کیچپ کے بنا ہر دسترخوان خالی محسوس ہوتا ہے۔ جبکہ فاسٹ فوڈ تو اس کے بغیر ادھورا سا محسوس ہوتا ہے،  ٹماٹو کیچپ کو پاستا، پیزا، ٹوسٹ، بریڈ، لیٹش، فرنچ فرائز، فرائیڈ چکن اور ہیمبرگر سمیت پکوانوں کے ساتھ پیش کیا جاتا ہے۔

لیکن کیا آپ جانتے ہیں انتی کثرت سے کھائی جانے والی یہ کیچپ صحت کے لیے کس قدر مضر ہے۔ یہاں پر ان مضر صحت اثرات کو پیش کیا جارہا ہے۔

ٹماٹو کیچپ کو پہلے صحت کے حوالے سے اس لیے محفوظ سمجھاجاتا تھا تاکہ یہ ٹماٹرسےتیار کی جاتی ہے مختلف غذاؤں کے ذائقہ کو مزید بڑھا دیتی ہے تاہم اس چٹنی میں بہت سارے پرزرویٹوز اور کیمیکلز شامل کیے جاتے ہیں جو صحت کونقصان پہنچاتے ہیں۔

ٹماٹو کیچپ، کیا یہ خطرناک ہے؟

ماہرین کا دعویٰ ہے کہ اسٹور سے خریدے گئے ٹماٹو کیچپ میں پائے جانے والے پرزرویٹیو اور کیمیکز جوصرف کیچپ کے ذائقہ کو بہتر بنانے کے لیے استعمال کیے جاتے ہیں صحت کو متاثر کر سکتے ہیں۔

اس میں چینی، نمک، فریکٹوز،پرزرویٹیو اورمکئی کے شربت کی اعلی سطح موجود ہوتی ہے جب ان تمام کیمیکلز کو ملایا جاتا ہے تو جسم پر نقصان دہ اثرات مرتب ہوتے ہیں۔

ٹماٹو کیچپ میں وہ کون سی چیزیں ہیں جن کے بارے میں آپ کو معلوم ہونا چاہیے؟

ڈسٹل سرکہ اور چینی

اس چٹنی میں ڈسٹل سرکہ ہوتا ہے، جو بالکل بھی غذائیت سے بھرپور نہیں ہوتا۔ یہ جی ایم او مکئی سے تیار کیاجاتا ہے جو کیڑے مار ادویات اور کیمیکلز سے لیس ہوتا ہے۔ اس وجہ سے ٹماٹر کی چٹنی انتہائی نقصان دہ ہے اور اس سے پرہیز کرنا چاہیے۔

ٹماٹر کا ارتکاز

جب ہم مرتکز ٹماٹروں کے بارے میں بات کرتے ہیں، تو ہمارا بنیادی مطلب ہے ٹماٹر لینا اور انہیں پکانا۔

کیچپ کے لیے ٹماٹروں کے بیجوں اور چھلکے کو نکالنے کے لیے دبانے کے بعد ٹماٹروں کو ایک بار پھر ابال لیا جاتا ہے۔ یہ عمل تیز گرمی میں کئی گھنٹے جاری رہتا ہے۔ٹماٹر میں قدرتی طور پر موجود تمام اہم وٹامنز اور معدنیات اس عمل کے دوران ختم ہو جاتے ہیں۔

ہائی فریکٹوز کارن سیرپ

ہائی فرکٹوز کارن سیرپ، ایک انتہائی زہریلا اور غیر صحت بخش مادہ، ٹماٹو کیچپ کا بنیادی جزو ہے۔ یہ جینیاتی طور پر تبدیل شدہ مکئی سے بنایا جاتا ہے۔ مکئی کا شربت خون میں شکر کی سطح کو بڑھاتا ہے اور اس کا تعلق صحت کے متعدد مسائل سے ہے، جن میں ذیابیطس، دل کی بیماری، موٹاپا اور دیگر مسائل شامل ہے۔

زیرو نیوٹریشن ویلیو

ٹماٹر کی چٹنی یا ٹماٹر کیچپ میں پروٹین، فائبر، وٹامنز اور منرلز شاذ و نادر ہی ہوتے ہیں۔ جبکہ چٹنی میں شوگر اور سوڈیم کی مقدار بھی بہت زیادہ ہوتی ہے۔

لہذا، ڈش کے ذائقہ کو بہتر بنانے کے علاوہ، ٹماٹر کی چٹنی میں صحت کے حوالے سے کوئی فوائد موجود نہیں ہیں۔