شکاگو:ایک نئی تحقیق میں مونگ پھلی سے ہونے والی الرجی کے علاج میں  پولیمر کو استعمال کیاگیا ہے، جو اس الرجی سے بچاسکتا ہے۔

پولیمرایک زنجیر نما مالیکیول جو مونومر سے بنا ہوتا ہے یہ چھوٹے مالیکیول ہوتے ہیں۔ جبکہ یہ قدرتی یا مصنوعی ہو سکتے ہیں۔

واضح رہے کہ ابھی تک اس علاج کو مونگ پھلی سے الرجی رکھنے والے چوہوں پر استعمال کیا گیا ہے جس کے حوصلہ افزا نتائج برآمد ہوئے ہیں۔ نئی تحقیق کے مطابق پولیمر چوہوں کو مونگ پھلی کے ردعمل سے بچانے میں مدد کرتا ہے۔

یہ بات سب ہی جانتے ہیں کہ آنتوں میں گٹ مائیکرو بایوم مدافعتی نظام کی ممکنہ فوڈ الرجی، جیسے دودھ یا مونگ پھلی کو برداشت کرنے میں اہم کردار ادا کرتے ہیں۔ تحقیق سے ثابت ہوا ہے کہ بعض بیکٹیریا اینٹی جینز کو خون میں داخل ہونے سے روک کر فوڈ الرجی سے بچا سکتے ہیں۔

محققین ان بیکٹیریا کے ذریعے تیار کردہ ایک اہم میٹابولائٹ کو براہ راست آنتوں تک پہنچانے کے لیے ایک خاص قسم کا پولیمیرک مالیکیول بنایا ہے، جہاں یہ آنتوں کی اندرونی سطح کو بحال کرنے میں مدد کرتا ہے اور فائدہ مند بیکٹیریا کو پنپنے دیتا ہے۔

تحقیق سے پتہ چلتا ہے کہ یہ پولیمر، جنہیں مائیکلز کہا جاتا ہے، یہ ایک مالیکیول ہے جو براہ راست چھوٹی اور بڑی آنتوں میں کھانے کی الرجی کو روکنے میں مدد کے لیے جانا جاتا ہے۔

جب یہ پولیمر چوہوں کو دیا گیا، تو ان مائیکلز نے بائٹریٹ پیدا کرنے والے کلوسٹریڈیا بیکٹیریا کی کثرت میں اضافہ کیا، چوہوں کو مونگ پھلی کے لیے انفیلیکٹک ردعمل سے بچایا، اور السرٹیو کولائٹس کے ماڈل میں علامات کی شدت کو کم کیا۔

یہ طریقہ کار نہ صرف کھانے کی الرجی اور آنتوں کی سوزش کی بیماری سے بچانے میں مددفراہم کرے گا، بلکہ طرز زندگی میں ہونے والی تبدیلیوں اور اینٹی بائیوٹکس کے زیادہ استعمال کو کم کرنے میں بھی اہم کرادار ادا کرے گا۔

مسئلہ یہ ہے کہ ابھی اسے گولی کے ذریعے استعمال نہیں کیا جاسکتا ہے تاہم ماہرین پر امید ہیں کہ آنے والے وقت میں یہ کام ممکن ہوسکے گا اور اسے انسانوں کے لیے بھی پیش کیا جاسکے گا۔