بال اگر خوبصورت اور گھنے ہو تو شخصیت کو متاثرکن بناتے ہیں تاہم بال اتنے حساس ہوتے ہیں کہ موسم کی تبدیلی سے بھی گرنے لگتے ہیں جبکہ بالوں کے کمزور ہونے کی دیگرعوامل میں غیرمتوازن غذا، نیند کی کمی، اسٹریس اور ماحولیاتی آلودگی بھی شامل ہیں۔

خواتین اور مرد حضرات اکثر بالوں کے گرنے سے پریشان رہتے ہیں اور اس سے نجات کے لیے مختلف طریقے استعمال کرتے ہیں ماہرین عموماً کمزور بالوں کو مضبوط بنانے کے لیے صحت بخش غذاؤں کے ساتھ تیل کے مساج کا مشورہ دیتے ہیں جو یقیناً کام بھی کرتے ہیں تاہم کچھ ایسے منفرد طریقے بھی ہیں جو بالوں کو گرنے سے بچانے میں ان سب سے زیادہ تیزی سے کام کرتے ہیں ان ہی میں یوگا کی مشق شامل ہیں۔

یوگا کے فائدے صرف آپ کی جلد تک ہی محدود نہیں ہیں بلکہ یہ اس  سے بھی بڑھ کر آپ کے بالوں کو تیزی سے بڑھانے اور گھنا کرنے میں مدد فراہم کرتے ہیں۔ ماہرین اس ضمن میں یوگا کے یہ 5 پوز کو روزانہ کرنے کا مشورہ دیتے ہیں۔

ڈاؤن ورڈ فیسنگ ڈاگ پوز

یہ پوزدماغ میں خون کی روانی کو بہتر بناکربالوں کے فولیکلز کی طاقت کو بڑھاتا ہے جس سے بال مضبوط ہونے کے ساتھ تیزی سے بڑھنے لگتے ہیں۔

کپال بھاتی

ہارمون کا عدم توازن براہ راست آپ کے اعصابی نظام کو متاثر کرتا ہے، کپال بھاتی جسم سے فاسد ماوں کے خراج کو یقینی بناکراعصاب کو پرسکون رکھتا ہے اس طرح بال تیزی سے گھنے ہوتے ہیں۔

چائلڈ پوز

یہ پوز سر میں خون کی روانی کو بڑھا کر جسم کے کچھ حصوں میں نئے خلیات کی افزائش میں اضافہ کرتا ہے جیسے سر کے فولیکلز جو بالوں کی نشوونما کو بہتر بناتے ہیں۔

کیمل پوز

یہ پوز بھی سر میں خون کی روانی کو بڑھا کر بالوں کی افزائش کو بہتر بناتا ہے ساتھ ہی یہ بالوں کے گرنے کو بھی روکتا ہے۔

شولڈر اسٹینڈ

یہ پوزکرنے سے سر میں خون کی روانی میں اضافہ ہوتا ہے جو بالوں کی نشوونما کو بہتر بنانے کے ساتھ اس کی قدرتی نمی کو بھی برقرار رکھتا ہے اس طرح بال گرنا رک جاتے ہیں اور بال گھنے دکھائی دینے لگتےہیں۔