اسٹریلیا: اضطراب یا تناؤ میں دی جانے والی مختلف ادویات کا استعمال اینٹی بایوٹکس کی افادیت کو کم کر کے بیکٹریا کی مزاحمت کو بڑھا سکتی ہے یہ بات ایک تحقیق کے نتیجے میں سامنے آئی ہے۔

تناؤ ایک طرح کی پریشانی، خوف اور بے چینی کا احساس ہے، بعض اوقات، دماغ تناؤ سے اتنا مغلوب ہوجاتا ہے جس کے نتیجے میں ذہنی صحت متاثر ہونے لگتی ہے اسی لیے ذہنی صحت کو بہتر بنانے کے لیے مختلف اینٹی ڈپریسنٹ تجویز کی جاتی ہیں۔

تاہم حال میں کی جانے والی ایک تحقیق کے مطابق عام طور پر تجویز کردہ اینٹی ڈپریسنٹس کی ایک رینج اینٹی بائیوٹک ادویات کے خلاف بیکٹیریا کی مزاحمت کو بڑھا سکتی ہے۔

اس تحقیق میں محققین نے ڈپریشن، اضطراب کے عوارض اور دیگر نفسیاتی حالات کے علاج کے لیے استعمال ہونے والی نسخے کی دوائیوں پر توجہ مرکوز کی۔

اس مقصد کے لیے محققین نے 2021 کے دوارن بھیجے گئے 42 ملین سے زائد اینٹی ڈپریسنٹ دوائیوں کے نسخے میں پانچ سب سے عام دوائیوں میں بیکٹیریل مزاحمت کو جانچنے کے لیے منتخب کیا۔

یونیورسٹی آف کوئنز لینڈ کے آسٹریلین سینٹر فار واٹر اینڈ انوائرمینٹل بائیوٹیکنالوجی کے پروفیسر جیانہوا گو کا کہنا ہے کہ اینٹی بائیوٹکس کا زیادہ استعمال بیکٹیریا کے خلاف مزاحمت کوکم کردیتا ہم اس بات کی تحقیقات کرنا چاہتے تھے کہ کیا دوسری عام دوائیں بھی اس میں کوئی کردار ادا کر رہی ہیں۔

Sertraline، duloxetine، اور fluoxetine  ہم نے ان دوائیوں کا تجربہ کیا یہ اینٹی بائیوٹکس کے خلاف بیکٹیریا کی مزاحمت پر سب سے زیادہ اثر انداز ہوئی۔ ہمارے مطالعے نے ان تینوں سے اینٹی بائیوٹک مزاحمت میں نمایاں اضافہ دکھایا، یہاں تک ان اینٹی ڈپریسنٹ کی قلیل مقدار لینے کے بعد بھی مزاحمت کو نوٹ کیا گیا۔

اس طرح یہ کہا جاسکتاہے اینٹی بائیوٹک کی مزاحمت اینٹی ڈپریسنٹ پر منحصر ہیں، جو کہ اینٹی ڈپریسنٹ کے ذریعے پیدا ہونے والے بیکٹیریا میں آکسیڈیٹیو تناؤ کی وجہ سے ہو سکتی ہے۔ مزید مطالعات میں اینٹی ڈپریسنٹس دیئے گئے لوگوں کے مائکرو بایوم پر ممکنہ اثرات کا جائزہ لینے اور ان کے معدے کی خرابی یا بیماریوں کے خطرے کا اندازہ لگانے کی ضرورت ہے۔

پروسیڈنگز آف دی نیشنل اکیڈمی آف سائنسز میں شائع ہونے والی اس تحقیق کو آسٹریلین ریسرچ کونسل ڈسکوری پروجیکٹ اور یو کیو فاؤنڈیشن ریسرچ ایکسیلنس ایوارڈز نے مالی اعانت فراہم کی ۔