سلپ اپنیا نیند میں کمی اور رکاوٹ سے متعلق مرض ہے تاہم ایک نئی تحقیق کے مطابق اس مرض میں مبتلا بالغ افراد ہڈیوں کی کثافت میں کمی کا سامنا کر سکتے ہیں۔

یہ نتائج نیند کی کمی کا سامنا کرنے والے افراد کے لیے بہت اہم ہیں، کیونکہ ہڈیوں کی کثافت میں کمی آسٹیوپروسس کی ایک واضح علامت ہے، یہ ایک ایسی حالت جس میں ہڈیاں کمزور ہو کر بھربھری ہوجاتی ہیں جس کے نتیجے میں ان کی ٹوٹ پھوٹ کا خطرہ کئی گنا بڑھ جاتاہے۔

سلپ اپنیا ایک ایسا مرض ہے جس میں نیند کی حالت میں اچانک سانس رک جاتا ہے اور پھر آنے لگتا ہے جس کی وجہ سے دماغ میں آکسیجن کی کمی ہونے لگتی ہے۔

بفیلو سکول آف ڈینٹل میڈیسن میں یونیورسٹی میں آرتھوڈانٹک کے ایسوسی ایٹ پروفیسراورسینئر مصنف تکریات الجویر کا کہنا ہے کہ یہ مرض فریکچر کے خطرے کو بڑھانے کے علاوہ، ہڈیوں کی کم معدنی کثافت کی کمی کا بھی سبب بنتا ہے جس کی وجہ سے دانت کمزور ہوکر ڈھیلے اور ان کے امپلانٹس بھی کمزور ہو جاتے ہیں۔

جرنل آف کرینیومینڈیبلر اینڈ سلیپ پریکٹس میں شائع ہونے والی اس تحقیق میں محققین نے 38 بالغ شرکاء کے سر اور گردن میں ہڈیوں کی کثافت کی پیمائش کے لیے ایک خاص قسم کا ایکسرے استعمال کیا جسے کون بیم کمپیوٹڈ ٹوموگرافی یا سی بی سی ٹی کہا جاتا ہے۔

تمام شرکاء کی عمر، جنس اور وزن کو کنٹرول کرتے ہوئے جب ایکسرے کا جائزہ لیا گیا تو سلپ اپنیا کے تمام ہی مریض میں ہڈیوں کی معدنی کثافت نمایاں طور پر کم تھی۔

سلپ اپنیا جس میں سوتے وقت سانس لینے میں دشواری ہوتی ہے اور یہ دشواری نیند میں خلل کا ڈال کر ہائپوکسیا یعنی جسم میں آکسیجن کی کم سطح، سوزش، آکسیڈیٹیو تناؤ کا سبب بن سکتی ہے۔ الجوائر کا کہنا ہے کہ ان علامات میں سے ہر ایک علامت ہڈیوں کی صحت کو متاثر کر کے ان کی کثافت پر دائمی منفی اثرڈال سکتی ہے۔

محققین کا کہنا ہے کہ رکاوٹ والی نیند کی کمی اور ہڈیوں کی کم معدنی کثافت کے درمیان تعلق کو ابھی پوری طرح سے دریافت کرنا باقی ہے، تاہم یہ مطالعہ ان کے تعلق کے بارے میں نئے شواہد ضرورپیش کرتا ہے۔

اگر کوئی بھی شخص اس مرض میں مبتلا ہے تو اسے اپنے معالج سے اس بارے میں ضرور رابطہ کرنا چاہئے تاکہ مستقبل میں ہڈیوں کو مضبوط بنانے کے لیے کوئی واضح علاج تجویز کیا جاسکے۔