صحت مند رہنے کے لیے صحت بخش غذا نہایت ضروری ہے تاکہ جسم کے تمام افعال کی بہترانجام دہی کو یقینی بنایا جاسکے، ایسی ہی صحت سے بھرپور غذاؤں میں اسمودی کو ایک خاص اہمیت حاصل ہے۔

اسمودی جن اجزاء سے تیار کی جاتی ہے وہ انتہائی صحت بخش ہوتے ہیں جوآپ کو صحت مند رکھنے کے ساتھ کئی امراض سے تحفظ بھی فراہم کرتے ہیں۔

اسمودی کسی بھی ملک شیک کے مقابلے میں قدرے گاڑھا مشروب کہلاتی ہے جو کہ تازہ پھل، سبزیوں، ان کے جوس، دودھ یا دہی ڈال کر تیارکی جاتی ہے۔ اس میں چینی اوردودھ کا ستعمال کم کیا جاتا ہے جبکہ ان کی جگہ بھی پھلوں اور سبزیوں کا رس اور مٹھاس کے لیے شہد کو ترجیح دی جاتی ہے۔

اس سمودی کی تیاری میں بھی ایسے اجزاء استعمال کیے جارہے ہیں جو آپ کوپروٹین فراہم کرنے کے ساتھ یاداشت کو بہتر بناکر عمل افعال کی کار کردگی کو بڑھانے میں اہم کردار ادا کریں گے۔

فلیکس سیڈ، بیری اور انارسے تیار کی جانے والی یہ اسمودی پروٹین اور صحت مند چکنائی فراہم کرتی ہے۔ اس میں ایک چینی جڑی بوٹی گنگکوکو استعمال کیاگیاہے جو دماغی صحت کو فروغ دینے اورعلمی افعال کو بہتر بنانے اور یادداشت کی کمی کو روکنے میں مدد فراہم کرتی ہے۔

فلیکس سیڈ، بیری اور انار کی اسموتھی

اجزاء:

3 اسٹرابیری

مٹھی بھر بلیو بیریز

1  کھانے کاچمچ گوجی بیریز

2  چائے کے چمچ بھنگ کے بیج

1 چائے کا چمچ ایشیا بیری پاؤڈر

1/2  کپ انار کا رس، ناریل کا پانی، یا سبز چائے

1/2  چائے کا چمچ السی کا تیل

1/2  چائے کا چمچ ناریل کا تیل

 1/4  چائے کا چمچ گنگکو پاؤڈر

 1/4  پکا ہوا ایوکاڈو

ہدایات:

ان تمام اجزاء کو ایک بلینڈر میں ڈال کر اچھی طرح بلینڈ کریں، کریمی اور ہموار ہونے پر گلاس میں سرو کریں۔

نوٹ: اگر اس میں کوئی جز نہ ملیں تو بقایا اجزاء کو ملاکر استعمال کریں۔