دنیا بھر میں ایسے افراد کی کمی نہیں ہے جو بہت دیر تک اسکرین کے سامنے بیٹھ کام کرتے رہتے ہیں اس طرح مسلسل اسکرین کو دیکھنا آنکھوں کی صحت کو متاثرکرتا ہے جو اکثر تھکاوٹ اور سرس درد کا باعث بنتا ہے بلکل اسی طرح جیسے جسمانی تھکن ہوتی ہیں۔

  موجودہ دور میں موبائل کی وجہ سے لوگوں کی بڑی تعداد دن کا زیادہ تر وقت اسکرین کو دیکھتے  ہوئے گزارتی ہے۔ ایسی صورت میں آنکھوں کے ساتھ سر میں بھی درد ہونے لگتا ہے۔ اس درد کو دور کرنے کے لیے ماہرین نے چند طریقے پیش کئے جن کی مدد سے آنکھوں کے تناؤ کو دور کرنے میں مدد ملتی ہے ان ہی میں سے ایک 20 20 20  کا اصول ہے ۔

یہ اصول کافی عام ہے اور تقریباً سبھی نے اس آنکھوں کی ورزش کے بارے میں سنا ہے، لیکن حقیقت میں کبھی اس پر عمل نہیں کیا ہے۔  اس کے لیے آپ کو 20 سیکنڈ کے لیے 20 فٹ دور کسی چیز کو دیکھنے کے لیے ہر 20 منٹ میں وقفہ لینا ہوتا ہے۔

ایسا کرنے کا سب سے بڑا فائدہ یہ ہوتا ہے کہ اس طرح اسکرین کے سامنے سے نہ صرف نظروں کو ہٹایا جاتا ہے بلکہ دور بیس سیکنڈ تک دیکھنا بصارت کو بہتر بناتا ہے اور مستقل اسکرین دیکھنے سے آنکھوں پر پڑنے والی تناؤ کو کم کرنے میں بھی مدد ملتی ہے۔

20 سیکنڈ کیوں؟

اس کی وجہ یہ ہے کہ آنکھوں کو مکمل طور پر آرام کرنے میں تقریباً 20 سیکنڈ لگتے ہیں۔

جب آپ اپنی آنکھوں کو آرام دے رہے ہیں، تو یہ بھی ایک اچھا خیال ہے کہ آپ اٹھیں اور اپنے آپ کو ہائیڈریٹ رکھنے کے لیے پانی پی لیں۔ اگر آپ کا جسم ہائیڈریٹ ہے، تو آپ کی آنکھیں بھی ہائیڈریٹ رہیں گی۔

ہر 20 منٹ میں ایسا کرنے کی یاد دلانے کے بارے میں کیا خیال ہے؟

جب آپ اسکرینوں کو دیکھ رہے ہوتے ہیں تو آپ شاید پڑھنے یا کام میں اتنے مشغول ہوجاتے ہیں وقفہ لینا بھول جاتے ہیں تو اس کے لئے کوئی ریمائنڈر سیٹ کریں تاکہ آپ کو یاد رہے ۔