دنیا کی ایک بڑی آبادی موٹاپے کا شکار ہے اور وہ اس سے نجات کے لیے مختلف جتن بھی کرتی نظر آتی ہے جو کام بھی کرتے ہیں تاہم انہیں چھوڑتے ہی وزن دوبارہ بڑھنے لگتا ہے۔

تاہم ماہرین اس ضمن میں کچھ بیجوں کو وزن کم کرنے کے لیے مفید قرار دیتے ہیں اگر آپ بھی اپنے بڑھتے ہوئے وزن سے پریشان ہیں اور اسے بغیر کسی ڈائٹنگ کے کم کرنا چاہتے ہیں تو ان صحت سے بھرپور اور حیرت انگیز بیجوں سے مدد لے سکتے ہیں۔ یہ کیسے آپ کا وزن کم کرسکتے ہیں جانتے ہیں۔

تخم بالنگا

تخم بالنگا فائبر، کیلشیم، میگنیشیم، فاسفورس، آئرن، اومیگا تھری، سکس فیٹی ایسڈ اورصحت مند چکنائیوں سے بھرپور ہوتے ہیں یہ تمام ہی غذائی اجزاء پیٹ پر جمی چکنائی کو ختم کرنے کی صلاحیت رکھتے ہیں اس طرح وزن کم کرنے میں مدد ملتی ہے۔ اسے پانی، سلاد، پڈنگ اور دیگر مشروبات میں شامل کیا جاسکتا ہے۔

میتھی دانہ

میتھی دانہ ایک سپر فوڈ کا درجہ رکھتا ہے جوبھوک کو کم کرنے میں مدد دیتا ہے ساتھ ہی آپ کو پیٹ بھرے کا احساس دلاتا ہے یہ کیلوریز کو استعمال کر کے بیلی فیٹ کم کرنے میں معاون ثابت ہوتا ہے۔

السی کے بیج

یہ غذائیت سے بھرپورہونے کی وجہ سے وزن کو کم میں مدد دیتے ہیں۔ ساتھ ہی یہ بیج ذیابیطس اور ہاضمے کے لیے بھی بہترین تصور کیے جاتے ہیں۔

کدو کے بیج

فائبر، اومیگا فیٹی ایسڈ اور پروٹین سے بھرپور ہونے کی وجہ سے کدو کے بیج وزن کو تیزی سے کم کرتے ہیں انہیں سادہ کھائیں نمک ملے کھانے سے گریز کریں۔