اکثر لوگوں کے پاؤں کے انگوٹھے کا ناخن گوشت میں دھنس جاتا ہے جس کے باعث انہیں کافی تکلیف کا سامنا کرنا پڑتا ہے۔

لیکن آج ہم آپ کو ایسے طریقے بتائیں گے جن سے آپ باآسانی اس تکلیف سے نجات حاصل کر لیں گے۔

گرم پانی میں بھگو دیں

متاثرہ پاؤں کو نمک ملے گرم پانی میں روزانہ 2 بار 15، 15 منٹ کے لیے بھگو کر رکھیں اور پھر پاؤں کو اچھے سے خشک کر لیں۔

اس سے ناخن گوشت میں دھنس جانے سے ہونے والی تکلیف اور سوجن میں کمی لانے میں مدد ملے گی۔

یہ بھی پڑھیں: اگر ہم ناخنوں کو دس منٹ تک رگڑیں تو کیا ہوگا؟ فائدہ جان کر آپ آج سے یہ عمل شروع کردیں گے

پاؤں کو خشک رکھیں

پانی میں بھگونے سے ہٹ کر باقی وقت متاثرہ حصے کو نمی سے بچانے کی ہر ممکن کوشش کریں۔

نرمی سے جِلد کو ناخن سے دور کریں

نیل فائل یا ایسی کسی چیز کو استعمال کرکے نرمی سے ناخن کو جِلد سے ہٹانے کی کوشش کریں۔

پانی یا جراثیم کش کلینر میں بھگو کر روئی کو ناخن اور جِلد کے درمیان رکھنے سے دونوں کو الگ کرنے میں مدد مل سکتی ہے جبکہ جِلد کو بھی سہارا ملتا ہے۔

کھلے جوتوں کا استعمال

اگر اس مسئلے کا سامنا ہے تو کھلے جوتے پہننے کی کوشش کریں اور تنگ جوتوں کے استعمال سے گریز کریں کیونکہ اس سے ناخن پر دباؤ بڑھ جاتا ہے جس سے انفیکشن کا خطرہ بڑھتا ہے۔

یہ بھی پڑھیں: منہ سے ناخن کاٹنے کی عادت کیسے ختم کی جائے؟

درد کش ادویات کا استعمال

عام درد کش ادویات کے استعمال سے تکلیف اور سوجن میں کمی لانے میں مدد ملتی ہے۔

 مرہم کا استعمال

متاثرہ حصے پر جراثیم کش مرہم کا استعمال کرنے سے انفیکشن کا خطرہ کم کرنے میں مدد ملتی ہے۔

بینڈیج سے ڈھانپ دیں

متاثرہ انگوٹھے کو بینڈیج سے ڈھانپنے سے اس جگہ کو زیادہ تحفظ ملتا ہے۔

یہ بھی پڑھیں: ناخنوں کی فنگس سے چھٹکارے کے لیے یہ قدرتی طریقہ آزمائیں

نوٹ؛ اگر انفیکشن نہیں ہوا ہو تو پھر آپ گھر میں رہتے ہوئے اُپر بتائے گئے ان چند طریقوں پر عمل کر سکتے ہیں جن سے تکلیف میں کمی لانے کے ساتھ ساتھ اس مسئلے سے دوبارہ بچنے میں مدد مل سکتی ہے۔