اچھی صحت کے لیے جسمانی صحت کے ساتھ ذہنی صحت کا ہونا نہایت ضروری ہے تب ہی آپ متوازن زندگی گزار سکیں گے۔ عمر بڑھنے کے ساتھ ذہنی صحت متاثر ہونے لگتی ہے اور اس طرح یاداشت سمیت کئی مسائل جنم لینے لگتے ہیں۔

یوں تو یاداشت کی کمی کسی بھی عمر میں ہوسکتی ہے، اور لوگوں کی اکثریت روزمرہ کے معمول کی ادائیگی دوارن اس مسئلے کا سامنا کرتی ہے تاہم کچھ عادات یاداشت کو بہتر بنانے میں اہم کردار ادا کرتی ہیں وہ کیا ہیں جانتے ہیں۔

 جسمانی طور پر متحرک رہیں

جسمانی سرگرمی دماغ سمیت پورے جسم میں خون کی روانی کو بڑھاتی ہے۔ اس سے آپ کی یادداشت کو تیز رکھنے میں مدد مل سکتی ہے۔

صحت مند بالغوں کے لیے ہفتے میں کم از کم 150 منٹ کی اعتدال پسند ایروبک سرگرمی، جیسے تیز چلنا، یا ہفتے میں 75 منٹ کی بھرپور ایروبک سرگرمی، جیسے جاگنگ کی سفارش کی جاتی ہے۔ اگر آپ کے پاس مکمل ورزش کے لیے وقت نہیں ہے تودن بھر میں چند منٹ کی واک ضرور کریں۔

ذہنی طور پر متحرک رہیں

جس طرح جسمانی سرگرمی آپ کے جسم کو صحت مند رکھتی ہے اسی طرح وہ سرگرمیاں جو آپ کے دماغ کو مشغول رکھتی ہیں دماغی صحت کی ضامن ہیں۔

جیسے کراس ورڈ پہیلیاں، کوئی نئی زبان سیکھنا، کوئی نیا مشغلہ اپنانا یا  کسی فلاحی ادارے کے ساتھ رضاکارانہ خدمات انجام دینا۔

 دوسروں کے ساتھ وقت گزاریں

سماجی تعلقات اور لوگوں سے میل ملاپ  افسردگی اور تناؤ کو دور کرنے میں مدد فراہم کرتے ہیں جبکہ ان کی کمی یادداشت کو متاثر کرسکتی ہے، اپنے پیاروں، دوستوں اور دوسرے لوگوں کے ساتھ ملنے کے مواقع تلاش کریں، خاص طور پر اگر آپ اکیلے رہتے ہیں۔

منظم رہیں

اگر آپ کا گھر بے ترتیب اور پھیلا ہوا ہے کو ئی چیز اپنی جگہ پر موجود نہیں ہے تو امکان ہے کہ آپ چیزوں کو زیادہ بھول سکتے ہیں۔ ایک نوٹ بک میں کاموں ترتیب وار درج کریں اور اسے  اونچی آواز میں دہرائیں اس طرح یہ یادداشت میں محفوظ رہے گی۔

بھرپور نیند لیں

نیند کی کمی یادداشت کی کمی سے منسلک ہے۔ تو کوشش کریں کہ رات میں 7 سے 9 گھنٹے پر سکون نیند لیں۔ اس طرح یاداشت بہتر رہے گی۔

صحت بخش غذا کا انتخاب

صحت بخش غذا آپ کے دماغ کے ساتھ آپ کی مجموعی صحت کو بہتر بنانے میں مددفراہم کرتی ہے ۔پھل، سبزیاں اور سارا اناج کو غذا میں شامل رکھیں، جبکہ کم چکنائی والے پروٹین کے ذرائع کا انتخاب کریں، جیسے مچھلی، پھلیاں اور پولٹری۔

صحت کے مسائل

طبی حالات، جیسے ہائی بلڈ پریشر، ذیابیطس، ڈپریشن، سماعت کی کمی اور موٹاپا سے نمٹنے کے لیے اپنے صحت کی دیکھ بھال فراہم کرنے والے کے مشورے پر عمل کریں۔ جتنا بہتر آپ اپنا خیال رکھیں گے، آپ کی یادداشت اتنی ہی بہتر رہے گی۔