جس طرح لوگوں کی اکثریت وزن بڑھنے سے پریشان ہیں بلکل اسی طرح کچھ لوگ وزن میں کمی کی شکایت کرتے دکھائی دیتے ہیں، ان کا کہناہوتا ہے کہ وہ کچھ بھی کر لیں ان کا وزن نہیں بڑھتا۔

ایسے افراد اکثر بہت ہی دبلے پتلے ہوتے ہیں اور کم وزن ہونے کی وجہ احساس کمتری کا میں مبتلا ہوجاتے ہیں۔ یہاں محض وزن بڑھانے کی بات نہیں کی جارہی بلکہ صحت مند وزن کی بات کی جارہی ہے یعنی وزن کو بڑھانے کے لیے ایسی غذائیں استعمال کی جائے جو وزن کے صحت بڑھانے میں بھی معاون ثابت ہو۔ یہی وجہ ہے کہ آج یہاں پر وزن بڑھانے کے لیے چند نہایت ہی کار آمد طریقے پیش کیے جارہے ہیں۔

کیلوریز میں اضافہ

اگر آپ کا وزن کم ہے تو اس کا مطلب یہ ہے کہ آپ اپنے جسم کے حساب سے کیلوریز کا استعمال نہیں کر رہیں ہیں۔ کوشش کریں کہ بی ایم آئی کے مطابق وزن بڑھانے کے لیے صحت مند غذا کی مقدار کو بڑھائیں، تاکہ صحت مند وزن میں اضافہ ہو سکے۔

چاول

چاولوں کی کئی اقسام ہے اور یہ کار بوہائیڈریٹ سے بھر پور ہوتے ہیں اس لیے ماہرین وزن بڑھانے کے لیے چاول کے استعمال کا مشورہ دیتے ہیں۔

پروٹین

پروٹین جسم میں مختلف افعال کی انجام دہی میں اہم کردار ادا کرتا ہے اس لیے اس کی مناسب مقدار جسم کے لیے انتہائی اہمیت رکھتی ہے۔ یہی وجہ ہے وزن میں اضافے کے خواہشمند افراد کو پروٹین روزانہ غذا میں شامل رکھنے کا مشورہ دیا جاتا ہے۔

زیتون کا تیل

زیتون کے تیل کی افادیت سب ہی جانتے ہیں یہ صحت بخش تیل آپ کو صحت مند رکھنے کے ساتھ وزن برھانے میں بھی مدد فراہم کرتا ہے۔ اس میں کافی مقدار میں کیلوریز پائی جاتی ہیں۔

ورزش

غذاکے ساتھ جسمانی سرگرمی کے بغیروزن بڑھانا کسی قدر مشکل ہے تو کوشش کریں، متوازن غذا کے ساتھ ورزش کو معمول کا حصہ بنائیں۔